Sud pa spravie zahinułaj školnicy: prakuror prosić nastaŭnikam pa 2 hady abmiežavańnia voli
Prakuror prosić pryznać nastaŭnikaŭ siaredniaj škoły №11 horada Maładziečna vinavatymi ŭ nienaležnym vykanańni abaviazkaŭ, što paciahnuła pa nieaściarožnaści śmierć školnicy na ŭborcy bulby. I prysudzić kožnuju da 2 hadoŭ abmiežavańnia voli biez nakiravańnia ŭ vypraŭlenčuju ŭstanovu adkrytaha typu.
Taksama prakuror Viktoryja Palaščuk prosić sud pryznačyć kožnaj z nastaŭnikaŭ štraf pamieram 100 bazavych vieličyniaŭ (2300 rubloŭ). I zabaranić na praciahu dvuch hadoŭ zajmać pasady, źviazanyja ź biaśpiekaj dziaciej.
— Liču dakazanaj vinu nastaŭnikaŭ Iryny Apanasievič i Volhi Zavadckaj, kvalifikacyju ich dziejańniaŭ pa č.2 art. 165 KK dakładnaj. Prašu ŭličyć stupień hramadskaj niebiaśpieki, charaktar i ciažkaść nastupstvaŭ, a taksama formu viny - heta značyć pa nieaściarožnaści. (…) I taksama ŭličyć charaktaryzujučyja źviestki [abvinavačanych] — vyklučna stanoŭčyja z boku kaleh i baćkoŭskaha kamiteta, — zajaviła dziaržabvinavaŭca.
Bok abvinavačvańnia pryjšoŭ da vysnovy, što dziaciej adpravili na pole ŭ ramkach adukacyjnaha pracesu (u školnym płanie značyłasia akcyja «Dapamažy sabrać uradžaj»). Tamu piedahohi byli adkaznyja za zdaroŭje i žyćcio dziaciej. Ale jany nie harantavali biaśpiečnaha supravadžeńnia dziaciej da aŭtobusa paśla zakančeńnia rabot, i nie byli pobač z 13-hadovaj Viktoryjaj Papčeniaj u toj momant — tamu i nie bačyli momantu najezdu.
Raniej abvinavačanyja - 32-hadovaja nastaŭnica francuzskaj movy Volha Zavadskaja i 44-hadovaja Iryna Apanasievič, nastaŭnik fiziki - pryznali svaju vinu całkam.
-
Pajezdka ŭ aeraport — ad 90 da 150 rubloŭ. Biełaruski kankurent «Jandeks-taksi» ahučyŭ taryfy
-
Žonka biełarusa, jaki emihravaŭ u Ispaniju ź siamjoj i zastaŭsia tam adzin, raskazała, čamu ŭ Baranavičach lepš, čym u Barsiełonie
-
Biełaruskija turysty pryjechali na mora ŭ AAE, ale miascovyja plažy akazalisia ŭ mazucie
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ20
Kamientary