Biełaruskija VNU 12 lipienia pačynajuć prymać dakumienty ad abituryjentaŭ, paviedamlaje BiełTA.
Padavać dakumienty na biudžet abituryjenty zmohuć pa 17 lipienia, u tym liku ŭ siłavyja, tvorčyja VNU. Na płatnyja miescy termin padačy ŝstalavany pa 4 žniŭnia, u siłavyja i tvorčyja VNU — pa 31 lipienia i 2 žniŭnia adpaviedna. Vypusknikam profilnych kłasaŭ piedahahičnaha kirunku, što pastupajuć na piedśpiecyjalnaści, treba budzie padavać dakumienty z 12 pa 14 lipienia, kab prajści sumoŭje. Takija terminy ŭstalavanyja jak dla tych, chto pretenduje na biudžet, tak i dla płatnikaŭ.
Ad 18 lipienia pačynajucca ŭstupnyja vyprabavańni pa tvorčaści, fizičnaj kultury, a taksama dla abituryjentaŭ ź siaredniaj śpiecyjalnaj adukacyjaj, jakija pastupajuć na skaročanuju formu navučańnia. Zaličeńnie na biudžet budzie prachodzić pa 28 lipienia, u siłavych VNU — pa 24-ha. Na płatnym adździaleńni ŭ zvyčajnyja VNU budzie zaličeńnie pa 6 žniŭnia, u siłavyja — pa 2 žniŭnia, u tvorčyja — pa 3 žniŭnia. Zavieršycca ŭstupnaja kampanija 6 žniŭnia.
Kamientary