Makiej — pasłam: Adkaznaść za vykanańnie daručeńniaŭ prezidenta budzie piersanalnaj
Dypłamaty buduć nieści piersanalnuju adkaznaść za vykanańnie zadač, jakija im pastaviŭ prezident na praviedzienaj 11 lipienia naradzie. Pra heta zajaviŭ kiraŭnik MZS Biełarusi Uładzimir Makiej biełaruskim pasłam, jakija na hetym tydni pryjechali ŭ Minsk na štohadovy sieminar.
Pa słovach Makieja, na naradzie Łukašenka paznačyŭ vyraznuju metu «pa dalejšym palityčnym i ekanamičnym umacavańni biełaruskaj dziaržavy».
Siarod kankretnych zadač dypłamatam kiraŭnik MZS nazvaŭ uzmacnieńnie roli Biełarusi ŭ suśvietnaj palitycy, pavyšeńnie efiektyŭnaści zamiežnaekanamičnaj dziejnaści, novuju stratehiju ekspartu, zasnavanuju na palapšeńni jaho jakasnaj struktury, naroščvańnie ekspartu pasłuh.
— Treba razumieć, što adkaznaść u bolšaj stupieni budzie kłaścisia na nas i jana budzie nasić piersanalny charaktar.
Makiej zaklikaŭ pasłoŭ, jakija nie paśpieli vystupić pierad prezidentam, apieratyŭna padrychtavać svaje prapanovy pa raźvićci adnosin z krainami, u jakich jany pracujuć.
— Zaraz rychtujecca pratakoł daručeńniaŭ kiraŭnika dziaržavy pa vynikach narady, u jakim znojduć adlustravańnie ŭsie ahučanyja daručeńni i pastaŭlenyja zadačy.
Nahadajem, na naradzie ŭ aŭtorak Łukašenka zaklikaŭ dypłamataŭ i čynoŭnikaŭ bolš vynikova pracavać pa likvidacyi barjeraŭ u JEAES, nie ŭpuścić momant, kab «uhryzacca» ŭ jeŭrapiejski rynak, a taksama nie zabyvać pra abaronu ŭnutranaha rynku ad paralelnaha impartu.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary