Navukoŭcy: Doŭhi pracoŭny dzień viadzie da raźvićcia arytmii

Pavodle apošniaha daśledavańnia, pracoŭny tydzień praciahłaściu bolš za 55 hadzin moža vyklikać raźvićcio mihalnaj arytmii, adnaho z samych raspaŭsiudžanych vidaŭ parušeńniaŭ sardečnaha rytmu, jaki moža pryvieści da insultu.

Pavialičyć

Vyniki daśledavańnia apublikavanyja ŭ časopisie European Heart Journal, piša VVS.

Daśledavańnie pravodziła mižnarodnaja kamanda navukoŭcaŭ na čale ź Mikam Kivimaki z Univiersiteckaha kaledža Łondana. Navukoŭcy praanalizavali stan zdaroŭja amal 85 tysiač rabotnikaŭ (siaredni ŭzrost udzielnikaŭ skłaŭ 43,4 hoda). Ni adzin ź ich nie pakutavaŭ na arytmiju ŭ pačatku ekśpierymientu.

Aŭtary daśledavali danyja elektrakardyjahram, historyi chvarob, infarmacyju pa vydatkach na leki i paśviedčańni ab śmierci. Za ŭdzielnikami ŭ siarednim nazirali na praciahu dziesiaci hadoŭ.

Navukoŭcy zarehistravali krychu bolš za tysiaču vypadkaŭ raźvićcia mihalnaj arytmii.

Z ulikam takich faktaraŭ, jak poł, sacyjalnaje i ekanamičnaje stanovišča, atrymałasia, što tyja, chto pracavaŭ bolš za 55 hadzin u tydzień (prykładna 5% ad usiaho kolkaści udzielnikaŭ), mieli ryzyku raźvićcia arytmii amal u paŭtara razu bolšuju, čym tyja, chto pracavaŭ 35-40 hadzin u tydzień (kala 63% usich udzielnikaŭ).

U dzieviaci ź dziesiaci vypadkaŭ mihalnaja arytmija raźvivałasia ŭ tych, chto da pačatku daśledavańnia nikoli nie pakutavaŭ na jakija-niebudź sardečna-sasudzistyja zachvorvańni. Adsiul navukoŭcy zrabili vysnovu, što doŭhija pracoŭnyja hadziny mohuć spryjać raźvićciu hetaj chvaroby.

Jak zaŭvažajuć daśledčyki, ład žyćcia tych, chto pierapracoŭvaje, u cełym mienš zdarovy, čym u astatnich. Jany mienš aktyŭnyja fizična, čaściej pakutujuć na atłuścieńnie i złoŭžyvańnie ałkaholem.

Navukoŭcy kažuć, što stres na pracy — patencyjny faktar ryzyki raźvićcia sardečna-sasudzistych zachvorvańniaŭ, a rehularnyja pierapracoŭki mohuć pavyšać ryzyku insultu. Adnak ab kankretnaj suviazi praciahłaści pracoŭnaha dnia z raźvićciom mihalnaj arytmii navukoŭcy viedajuć mała.

Niekaha moža źbiantežyć toj fakt, što praciahłaść pracoŭnaha tydnia zamiarałasia dla kožnaha čałavieka tolki ŭ samym pačatku ekśpierymientu (u pieryjad z 1991 pa 2004 hod). Ale kiraŭnik daśledavańnia prafiesar Kivimaki kaža, što, jak praviła, ludzi zachoŭvajuć svaje pracoŭnyja zvyčki, tamu heta nie mahło surjozna paŭpłyvać na vyniki daśledavańnia.

U daśledavańni ŭdzielničali žychary Vialikabrytanii, Danii, Šviecyi i Finlandyi. Varta ŭličvać, što na vyniki mahli paŭpłyvać ŭmovy žyćcia mienavita ŭ hetych krainach, tamu ŭ ideale nieabchodna pravieści padobnaje daśledavańnie i za ich miežami.

• 0
• 0
• 0
• 0
• 0
• 0
• 0
• 0