Piedahahičnym rabotnikam zmohuć pavyšać zarpłatu za košt pazabiudžetnych srodkaŭ, paviedamiŭ BIEŁTA pres-sakratar premjer-ministra Biełarusi Uładzisłaŭ Syčevič, kamientujučy pastanovu Savieta Ministraŭ ad 14 lipienia 2017 hoda numar 530.
U dakumiencie prapisany miechanizm vykarystańnia pazabiudžetnych srodkaŭ na apłatu pracy piedahahičnych rabotnikaŭ. Kiraŭniki dziaržustanoŭ adukacyi pry akazańni płatnych pasłuh dadatkovaj adukacyi zmohuć ustanaŭlivać pavyšanuju staŭku pieršaha razradu. Ale jana nie pavinna pieravyšać dvuchkratny pamier taryfnaj staŭki pieršaha razradu (z 1 studzienia 2017 hoda jana składaje Br31).
Taki miechanizm prymienieny dla pavyšeńnia apłaty pracy piedahahičnych rabotnikaŭ u Biełarusi ŭpieršyniu. Heta pavinna stymulavać ustanovy adukacyi bolš aktyŭna zarablać srodki dla papaŭnieńnia pazabiudžetnaha fondu.
Jak paviedamlałasia, zhodna z pastanovaj numar 530, dziaržustanovy adukacyi, jakija realizujuć adukacyjnyja prahramy dadatkovaj adukacyi na płatnaj asnovie, pry apłacie pracy piedahahičnych rabotnikaŭ (akramia kiraŭnikoŭ), jakija ŭdzielničajuć u realizacyi źmiestu takich adukacyjnych prahram, za košt atrymanych ad nazvanaj dziejnaści pazabiudžetnych srodkaŭ, mohuć prymianiać taryfnuju staŭku pieršaha razradu ŭ pamiery, što nie pieravyšaje dvuchkratny pamier taryfnaj staŭki pieršaha razradu dla apłaty pracy rabotnikaŭ biudžetnych arhanizacyj i inšych arhanizacyj, atrymlivajučych subsidyi, rabotniki jakich pryraŭnavany pa apłacie pracy da rabotnikaŭ biudžetnych arhanizacyj.
Taryfnaja staŭka pieršaha razradu, što vyznačajecca dziaržaŭnaj ustanovaj adukacyi ŭ praduhledžanych pastanovaj pamierach, padlahaje ŭzhadnieńniu ź dziaržorhanam, u padparadkavańni jakoha znachodzicca heta ŭstanova adukacyi.
Dakumient ustupaje ŭ siłu paśla jaho aficyjnaha apublikavańnia.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary