Dniami ŭ Salihorsku dvoje mužčyn siarod biełaha dnia abrabavali piensijaniera: pavalili jaho na ziamlu i, utrymlivajučy za ruki, zabrali z nahrudnaj kišeni hrošy. Napiaredadni złačynstva 78-hadovy paciarpieły atrymaŭ piensiju, paśla čaho adpraviŭsia pa pakupki. Niedaloka ad kramy na jaho i napali, paviedamlaje UUS Minabłvykankama.
«Złamyśniki nie vypadkova vybrali achviaru, vykazaŭšy zdahadku, što ŭ stałaha pakupnika, napeŭna, zastałasia zdača paśla pachodu ŭ kramu. Pry hetym rabaŭnikoŭ nie źbiantežyła ažyŭlenaść miesca i śvietły čas sutak», — raspavioŭ načalnik kryminalnaha vyšuku Salihorskaha RAUS Valeryj Vałasiuk.
Usiaho kryminalny duet zabraŭ 270 rubloŭ, častku jakich vydatkavaŭ na taksi i śpirtnoje.
Vyjści na padazravanych udałosia dziakujučy vidavočcy, u jakoha na vačach adbyłosia rabavańnie. Pa padrabiaznym apisańni (u adnaho sa złamyśnikaŭ amal usio cieła było ŭ tatuiroŭkach) adnaho ź ich, 45-hadovaha miascovaha žychara, udałosia zatrymać užo praź niekalki hadzin. Druhoha — siońnia ranicaj.
U dačynieńni da abodvuch raspačataja kryminalnaja sprava pa č. 2 art. 206 KK RB («Rabavańnie»). Im pahražaje pakarańnie ŭ vyhladzie pazbaŭleńnia voli terminam da 6 hadoŭ. Mužčyny ŭžo pryciahvalisia da kryminalnaj adkaznaści: adzin — za zabojstva, druhi — za rabavańni i razboi.
Nahadajem, dniami ŭ Hrodnie nieviadomy adabraŭ kašalok u 92-hadovaj babulki.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary