Słužba biaśpieki Ukrainy zatrymała ŭ Kijevie ahienta śpiecsłužbaŭ Rasijskaj Fiederacyi, jaki sprabavaŭ atrymać sakretnuju dakumientacyju ŭ vajennaj śfiery i zavierbavać pradstaŭnika Ministerstva abarony. Pra heta paviedamlaje UP sa spasyłkaj na pres-centr SBU.
«Uradženiec i žychar Daniecka, čas ad času znachodziačysia ŭ Kijevie, pa zadańni rasijskich śpiecsłužbaŭ mieŭ namier atrymać infarmacyju pra asabovy skład, zabieśpiačeńnie, dysłakacyju, uzbrajeńnie i pierasoŭvańnie ŭzdoŭž linii raźmiežavańnia vajskovych čaściej i złučeńniaŭ USU i Nachvardyi», — havorycca ŭ paviedamleńni.
Pavodle danych SBU, mužčynu taksama cikavili pastaŭki va Ukrainu vajennaha ŭzbrajeńnia i techniki krainami-siabrami NATA, praviadzieńnie ŭkrainska-amierykanskich vučeńniaŭ «Si Bryz—2017», ustanovačnyja danyja pra aficeraŭ — instruktaraŭ VS ZŠA, jakija ažyćciaŭlajuć padrychtoŭku ŭkrainskich vajskoŭcaŭ.
«Dla hetaha špijon naładziŭ kanfidencyjnyja adnosiny z byłym aficeram US Ukrainy. Praź jaho jon chacieŭ za ŭznaharodžańnie atrymać sakretnyja materyjały, jakija cyrkulujuć u Hienieralnym štabie USU i ustanovačnyja danyja na słužbovych asob Minabarony, jakija majuć dostup da infarmacyi zakrytaha charaktaru», — adznačajuć u SBU.
Paviedamlajecca, što mužčynu paviedamlena pra padazreńni pa art. 111 (dziaržaŭnaja zdrada) KK Ukrainy.
Materyjały spravy nakiravanyja ŭ sud dla abrańnia miery strymańnia ŭ vyhladzie ŭtrymańnia pad vartaj. Praciahvajucca śledčyja dziejańni.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary