Ułady ZŠA nie vydajuć vizy rasijskim dypłamatam, jakich Maskva źbirałasia adpravić u ZŠA zamiest vypravadžanych u kancy śniežnia 2016 hoda supracoŭnikaŭ dypmisii, zajaviła na bryfinhu aficyjny pradstaŭnik rasijskaha ministerstva zamiežnych spraŭ Maryja Zacharava.
«Adabranyja abjekty nie viernutyja. Vašynhton nie tolki nie admianiŭ rašeńnie ab vydvareńni našych supracoŭnikaŭ, ale i admaŭlajecca vydavać vizy tym, chto pavinien jechać na zamienu. Robiacca sproby rabić zusim nieprymalnyja ŭviazki, idzie adkrytaje zabałbatańnie», — skazała jana.
Jak pieradaje VVS, na bryfinhu Zacharava papiaredziła, što kali sprava nie zrušycca, Maskvie pryjdziecca prymać miery ŭ adkaz.
«Čym adkazać jość — kolkasny skład pasolstva ZŠA ŭ Maskvie vielmi mocna pieravyšaje kolkaść našych pasolskich rabotnikaŭ u Vašynhtonie», — zajaviła Zacharava.
U kancy minułaha hoda Barak Abama abviaściŭ ab novych sankcyjach suprać Rasii, źviazanych ź mierkavanymi kibieratakami ŭ chodzie pieradvybarnaj kampanii ŭ ZŠA.
Dziarždepartament abviaściŭ piersonami non-hrata 35 rasijskich dypłamataŭ i zapatrabavaŭ, kab jany pakinuli krainu da novaha hoda. Pakinutym u ZŠA dypłamatam amierykanskija ŭłady zabaranili naviedvać dźvie dypłamatyčnyja dačy ŭ Meryłendzie i Ńju-Jorku.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary