«Unikalny i kranalny momant»: ilvica kormić dziciania leaparda FOTY
Fatohrafam upieršyniu ŭdałosia źniać vypadak, kali pradstaŭnik adnaho vidu kacinych dahladaje inšaha: ilvica ŭ zapaviedniku ŭ Tanzanii stała kłapacicca pra dziciania leaparda, piša VVS.
Piacihadovuju lvicu — Nasikitak — i maleńkaje leapardziania zaŭvažyŭ naviedvalnik zapaviednika Nhoranhora ŭ Tanzanii. Pry hetym Nasikitak užo haduje troch ŭłasnych kacianiat taho ž uzrostu, što i plamisty mały, jakoha jana niedzie znajšła. Usim małym — pa dva-try tydni.
«Heta sapraŭdy ŭnikalnaja źjava», — ličyć doktar Luk Chanter z zoaabarončaj arhanizacyi Panthera, jakaja sočyć za žyćciom dzikich kotak. — «Ja nikoli nie bačyŭ ničoha padobnaha pamiž dvuma vidami vialikich kotak. My viedajem vypadki, kali lvy biaruć pad apieku dzicianiat inšych lvoŭ… Ale hety vypadak biesprecedentny», — kaža jon.
Jak praviła, darosły leŭ usprymaje dziciania inšaj kotki jak budučaha supiernika, tamu śpiašajecca raspravicca ź im.
Ilvica, na jakuju nadziety ašyjnik z datčykam GPS, znajšła maleńkaha leaparda za kiłamietr ad svajho ŭłasnaha łohava. Jak zaŭvažajuć ekśpierty pa lvach, rolu adyhraŭ toj fakt, što ŭ samki na toj momant byŭ vielmi vysoki ŭzrovień matčynych harmonaŭ — joj ruchała žadańnie pakłapacicca ab malaniaci, bo lvicy — vydatnyja abaroncy.
Supracoŭnikam zapaviednika viadoma, što ŭ vakolicach žyvie samka leaparda — chutčej za ŭsio, ź dzicianiatami. Śpiecyjalisty ličać, što dla maleńkaha leaparda, jaki patrapiŭ da lvicy, samym biaśpiečnym budzie viarnucca da svajoj maci.
Pakul niezrazumieła, jak doŭha lvica budzie kłapacicca pra čužoje dziciania. Da taho ž, praz hod-paŭtara maleńki leapard stanie bolš niezaležnym i, chutčej za ŭsio, vierniecca da pavodzin, ułaścivych leapardam.
Chanter raspaviadaje, što jon i jaho kamanda budzie ź vialikaj cikavaściu nazirać za raźvićciom padziej: «Heta ŭnikalny momant, budzie niejmavierna cikava pahladzieć, čym usio skončycca. Pryroda niepradkazalnaja. Da hetaha tydnia my b nikoli nie skazali, što takoje moža adbycca. I voś jano — pierad nami!»
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary