Žanich amierykanki Beki Terni zrabiŭ joj niezvyčajny padarunak na viasielle — mahčymaść pasłuchać, jak bjecca serca jaje niabožčyka syna, piša Bi-bi-si.
Syn Beki Trystan pamior u 2015 hodzie va ŭzroście 19 hadoŭ.
Jaje žanich Keli pryvioŭ na cyrymoniju Džejkaba Kiłbi - maładoha čałavieka, u hrudziach jakoha ciapier bjecca serca Trystana.
«Ja pačaŭ płanavać hety siurpryz z Džejkabam za čatyry ci piać miesiacaŭ. Jon nadzvyčajny małady čałaviek, — raspavioŭ Keli Bi-bi-si. - My zaklikajem usich stać donarami orhanaŭ. Heta ratuje žyćci inšych ludziej i nazaŭsiody źmianiła naša».
40-hadovaja Beki taksama pasłuchała bićcio serca jaje syna praz stetaskop, prykładzieny da hrudziej Džejkaba.
Džejkab raspavioŭ, što heta byli «absalutna nierealnyja emacyjnyja» pieražyvańni dla jaho.
Dla taho, kab zrabić Beki siurpryz, Džejkab prarabiŭ šlach daŭžynioj amal 5 tysiač kiłamietraŭ z Kalifornii na Alasku.
Na viasielli jamu była daručana rola adnaho z šafieraŭ.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary