Pa kolkaści medalaŭ u pieraliku na dušu nasielnictva Biełaruś na Alimpijadzie sastupiła tolki Jamajcy, Słavienii, Narvehii, Aŭstralii, Bahamam, Isłandyi i Kubie.
Pa kolkaści medalaŭ u pieraliku na dušu nasielnictva Biełaruś na Alimpijadzie sastupiła tolki Jamajcy, Słavienii, Narvehii, Aŭstralii, Bahamam, Isłandyi i Kubie.
Biełaruskaja kamanda ŭziała 19 uznaharodaŭ pry tym, što ŭ Biełarusi žyvie 9.700 tys. čałaviek.
Vyšej za nas u takim rejtynhu akazvajucca:
Jamajka (11 uznaharodaŭ pry 2 młn 800 nasielnikaŭ — ź ich 6 załatych, u tym liku dźvie, razam z suśvietnymi rekordami, hienijalnaha spryntera Usejna Bołta),
Aŭstralija — 46 medaloŭ, ź ich 14 załatych, na 21 młn 300 tys. nasielnictva,
Kuba (24 medali, 11 młn 400 tys. žycharoŭ),
ziamla paŭnočnych vikinhaŭ Isłandyja (adzinaje srebra ŭ mužčynskim handbole pry ŭsiaho 315 tys. žycharoŭ — heta pamier Horadni),
a taksama Bahamskija vyspy, što atrymali dva pryzavyja miescy pry svaich usiaho tolki 370 tys. nasielnictva.
Słavienija — 5 medaloŭ, 2 młn 200 tys.,
Narvehija — 10 medaloŭ, 4 młn. 600 tys.
Jak bačym, žyćcio na atocy raźvivaje spartovyja jakaści.
Samyja chutkija, dužyja, spraŭnyja indyvidy žyvuć, vychodzić, pieravažna ŭ astraŭnych dziaržavach.Heta vyspy Karybskaha basejnu ź ich kipučym žyćciom — pra noravy kubincaŭ, bahamak i žycharoŭ vostravu rehi chodziać pahudki. Heta taksama Aŭstralija, što začynałasia jak miesca vysyłki złačyncaŭ z Brytanii.
Pry takim pieraliku ZŠA z svaimi 110 medalami i 305.000 miljonami nasielnikaŭ akazvajucca tolki 44-ja, a Kitaj z roŭnieńka sotniaj i amal paŭtaramiljardnaj hramadoj — až 75-y.
Biełaruś zaniała 16-je miesca pa kolkaści załatych uznaharodaŭ, 13-je — kali ličyć pa ahulnaj ličbie pryzavych miescaŭ. Ale jak ža najspraviadliva vymiarać pośpiech u zaležnaści ad kolkaści žycharoŭ. Kali ličba bliskučych kružočkaŭ uvohule maje značeńnie, viadoma.
Kamientary