Supracoŭnikami adździeła kryminalnaha vyšuku Partyzanskaha RUUS Minska zatrymany 30-hadovy kiroŭca pryvatnaj firmy, jaki skraŭ 5 tysiač rubloŭ, jakija naležać kiraŭniku arhanizacyi, paviedamlaje pres-słužba HUUS Minharvykankama.
Haspadar pryvatnaj firmy paprasiŭ padnačalenaha pieradać svajmu znajomamu 1 tysiaču rubloŭ i skrynku. Pa słovach uładalnika, što było ŭ skryncy, jon kiroŭcu nie kazaŭ.
Skrynka z-pad arhtechniki pad piačatkaj nie pryciahnuła spačatku ŭvahu supracoŭnika firmy, kali jechaŭ na aŭtamabili na sustreču z patrebnym čałaviekam. Ale adkryŭšy jaje, jon pabačyŭ 4 tysiačy rubloŭ. Zabraŭšy ŭsie hrošy, jon pryparkavaŭ słužbovy aŭtamabil na vuł.Pieršamajskaj, pakinuŭ klučy ad aŭto ŭ mašynie i ŭciok.
Paśla zatrymany rastłumačyŭ supracoŭnikam milicyi svoj učynak ciažkim materyjalnym stanoviščam.
U dačynieńni da zatrymanaha zaviedzienaja kryminalnaja sprava pa č.1 art.205 ( «Kradziež»). Sankcyja hetaj častki artykuła praduhledžvaje pakarańnie ŭ vyhladzie pazbaŭleńnia voli terminam da 3 hadoŭ.
Kamientary