BDUIR nazvaŭ top-3 samych papularnych u abituryjentaŭ śpiecyjalnaściaŭ
Top samych zapatrabavanych u abituryjentaŭ Biełaruskaha dziaržaŭnaha univiersiteta infarmatyki i radyjoelektroniki (BDUIR) śpiecyjalnaściaŭ uznačaliła «Infarmatyka i technałohii prahramavańnia», paviedamili ŭ VNU.
Papiaredni prachadny bał na jaje skłaŭ 380, letaś — 373. Płan pryjomu na biudžetnaje navučańnie pa hetaj śpiecyjalnaści skłaŭ 50 čałaviek, pry hetym 25 prajšli pa-za konkursam jak pieramožcy respublikanskich i mižnarodnych alimpijad.
Papiaredni prachadny bał na śpiecyjalnaść «Prahramnaje zabieśpiačeńnie infarmacyjnych technałohij» skłaŭ 371 (u minułym hodzie - 363). Zamykaje trojku lidzirujuć pa papularnaści ŭ abituryjentaŭ śpiecyjalnaściaŭ «Infarmacyjnyja sistemy i technałohii (u hulniavoj industryi)». Hetaja śpiecyjalnaść stvorana ŭ kałabaracyi z kampanijaj Wargaming: jaje śpiecyjalisty pravodziać navučańnie i čytajuć šerah dyscyplin dla studentaŭ. Prachadny bał na biudžet u hetym hodzie skłaŭ 370 pry nabory 10 čałaviek.
Samy nizki prachadny bał u BDUIR apynuŭsia na «Nanatechnałohii i nanamateryjały ŭ elektronicy» — 258 (u minułym hodzie — 244). Na śpiecyjalnaść «Elektronnyja i infarmacyjna-kiraŭniki sistemy fizičnych ustanovak», vypuskniki jakoj mohuć pracavać na atamnaj stancyi ŭ Astraŭcy, prachadny bał vyras i skłaŭ 261 u paraŭnańni z 240 u 2016 hodzie.
Na dzionnuju biudžetnuju formu navučańnia było padadziena 1 569 zajaŭ pry płanie pryjomu 1 036 čałaviek. Na skaročany formu navučańnia padali dakumienty 120 čałaviek pry płanie pryjomu 79. Na zavočnuju biudžetnuju formu padadziena 89 zajaŭ na 60 miescaŭ.
Pryjom dakumientaŭ na płatnuju formu praciahniecca pa 4 žniŭnia.
Kamientary