Śviet2020

Kiraŭnik MZS Hiermanii: Sankcyi ŭ dačynieńni da Rasii treba pastupova admianiać

Jeŭrasajuz pavinien pierahledzieć svaju pazicyju adnosna sankcyj suprać Rasii i pačać admianiać ich, nie čakajučy poŭnaha vykanańnia minskich pahadnieńniaŭ, zajaviŭ ministr zamiežnych spraŭ Hiermanii Zihmar Habryel.

Reuters

Na jaho dumku, ciapier vykanańnie minskich damoŭlenaściej na 100% nievykanalnaje. «U adpaviednaści z rašeńniem ES minskija damoŭlenaści pavinny być vykananyja na 100%, pierš čym sankcyi mohuć być źniatyja taksama na 100%. Ja liču heta niemahčymym. Było b pravilnym patrochu paśladoŭna admianiać sankcyi, kab pakazać, što varta ruchacca ŭ kirunku da miru», — zajaviŭ Habryel u intervju časopisu Focus, paviedamlaje Newsru.

Habryel taksama zaŭvažyŭ, što nie tolki Rasija pavinna vykarystoŭvać svoj upłyŭ na sieparatystaŭ, ale i ZŠA pavinny ŭpłyvać na Kijeŭ. Na pytańnie žurnalista, pry čym tut ZŠA, kali kanflikt adbyvajecca ŭ centry Jeŭropy, Habryel rastłumačyŭ: «ZŠA majuć vialiki ŭpłyŭ na Ukrainu. Ja asabista nie naležu da tych, chto byŭ by ščaślivy, kali b amierykancy adchililisia ad suśvietnych spraŭ. Śviet usio jašče zastajecca niavyznačanym. Dziaržsakratar ZŠA Tylersan udała viadzie źniešniuju palityku».

Žurnalisty nahadali, što kiraŭnik niamieckaha MZS časta sustrakajecca z prezidentam Rasii Uładzimiram Pucinym — užo try razy z momantu ŭstupleńnia ŭ pasadu ŭ studzieni hetaha hoda. Habryel rastłumačyŭ heta najaŭnaściu «mnostva prablem», jakija treba vyrašać, u tym liku ŭkrainski kanflikt.

Jon taksama adznačyŭ, što Pucin «pradstaŭlaje intaresy Rasii» i maje «ŭłasny pohlad» na toje, što adbyvajecca va Ukrainie. «Ale ź im možna vyrašać usie roznahałośsi vyrazna i naŭprost. Tamu ja i caniu hutarki ź im», — rastłumačyŭ jon.

Raniej, usiaho niekalki miesiacaŭ tamu, Habryel prytrymlivaŭsia inšaj pazicyi pa sankcyjach ES suprać RF. Tak, u studzieni biahučaha hoda — paśla ŭstupleńnia na pasadu kiraŭnika MZS FRH — jon paćvierdziŭ, što dla źniaćcia z Rasii jeŭrapiejskich sankcyj nieabchodnaja poŭnaja realizacyja minskich pahadnieńniaŭ.

Drukujecca ŭ miežach śpiecyjalnaj rubryki «Naviny Hiermanii»

Kamientary20

Źniavoleny raskazaŭ, jak siadzieŭ u kałonii ŭ Hłybokim u susiedniaj kamiery sa Statkievičam

Źniavoleny raskazaŭ, jak siadzieŭ u kałonii ŭ Hłybokim u susiedniaj kamiery sa Statkievičam

Usie naviny →
Usie naviny

U Biešankovičach pastavili skulpturu «Zakachanyja» 3

U centry Minska hareŭ handlovy centr

MZS Litvy zajaviła, što nie atrymlivała ad Minska prapanoŭ pa narmalizacyi adnosin. I nazvała niekalki ŭmoŭ8

Usaŭ raskazaŭ, jak treba było zrazumieć słovy Paźniaka pra Łukašenku i Kaleśnikavu91

Supierzorki, daścipny humar i zabłytanyja zabojstvy. Na ekranie čaćviorty siezon ledź nie daskanałaha detektyva1

«Nasrału zabili, kali jon hladzieŭ pramovu Nietańjachu ŭ AAN». Jak Izrail padmanuŭ lidara «Chiezbały»10

74-hadovaha mužčynu asudzili za «abrazu» i «paklop» na Łukašenku1

Ali Chamieniei pieraviali ŭ biaśpiečnaje miesca7

U niadzielu schaładaje da +10°S

bolš čytanych navin
bolš łajkanych navin

Źniavoleny raskazaŭ, jak siadzieŭ u kałonii ŭ Hłybokim u susiedniaj kamiery sa Statkievičam

Źniavoleny raskazaŭ, jak siadzieŭ u kałonii ŭ Hłybokim u susiedniaj kamiery sa Statkievičam

Hałoŭnaje
Usie naviny →