Z 21 tysiačy padsudnych sudy Biełarusi apraŭdali 36 čałaviek
«Biełaruskija sudy zaprahramavanyja karać», — ličyć pravaabaronca Valancin Stefanovič.
Za pieršaje paŭhodździe 2017 hodu ŭ biełaruskich sudach asudžana 21 326 čałaviek, apraŭdana 36 čałaviek. Takija ličby apublikavanyja na sajcie Viarchoŭnaha Sudu Biełarusi
Samy raspaŭsiudžany vid pakarańnia — pazbaŭleńnie voli. U kalonii za pieršaje paŭhodździe hetaha hodu dla adbyćcia pakarańnia adpravili 6 335 čałaviek.
Abmiežavańnie voli pryznačanaje 3 915 asudžanym, ź ich tak zvanuju «chimiju» atrymali 1293 čałavieki, «chatniuju chimiju» — 2 622.
Papraŭčyja raboty prysudzili 902 parušalnikam, aryšt — 3480, štraf — 2443, hramadzkija raboty — 2412, pazbaŭleńnie prava zajmać peŭnyja pasady abo zajmacca peŭnaj dziejnaściu — 125.
Kali zychodzić z ahulnaj kolkaści, dola apraŭdalnych prysudaŭ skłała 0,16%.
«Na dumku kiraŭnictva Viarchoŭnaha Sudu, heta śviedčyć pra jakaść pracy sudoŭ pieršaj instancyi — jany sami nieadnarazova pra heta zajaŭlali, — skazaŭ Svabodzie pravaabaronca Valancin Stefanovič. — Kali ž cikavić naša mierkavańnie, nizki pracent apraŭdalnych prysudaŭ śviedčyć pra toje, što jość peŭnyja prablemy z sudovaj uładaj u krainie. Pakolki havorka pra zusim mizernuju kolkaść — mieniej za 1% apraŭdalnych vyrakaŭ — heta aznačaje, što sudy ŭ nas majuć vyrazna abvinavaŭčy ŭchił».
Pavodle Valancina Stefanoviča, padobnaja tendencyja ŭ biełaruskaj sudovaj systemie nie źmianiajecca ŭžo praciahły čas:
«Sytuacyja nie mianiajecca nia toje što hadami, a dziesiacihodździami. Hety pracent zastajecca faktyčna niaźmiennym: plus-minus niejkaja chibnaść, ale radykalna ničoha nie karektujecca vielmi praciahły čas. Što nia moža nie turbavać».
Zhodna sa źviestkami Viarchoŭnaha Sudu, pa vynikach pieršaha paŭhodździa 2017-ha bolš za ŭsio asudžanych za złačynstvy suprać ułasnaści (8 217 čałaviek), suprać žyćcia i zdaroŭja (1 332), a taksama za złačynstvy, źviazanyja z narkotykami (1568).
Ciapier čytajuć
Stała viadoma imia jašče adnaho pałkoŭnika DFR, aryštavanaha KDB. Jon raskazvaŭ sukamiernikam, jak jaho katavali3
Kamientary