Prezident ZŠA Donald Tramp maje namier padpisać uchvaleny Pałataj pradstaŭnikoŭ i Sienatam Kanhresu ZŠA zakonaprajekt ab uzmacnieńni žorstkaści sankcyj u dačynieńni da Rasii, Irana i Paŭnočnaj Karei, paviedamlaje DW.
Pra heta ŭ piatnicu ŭviečary zajaviła ŭ Vašynhtonie pres-sakratar Biełaha doma Sara Chakabi Sanders. «Prezident Tramp vyvučaŭ pieršapačatkovyja viersii prajekta zakona i vioŭ pieramovy ab papraŭkach. Ciapier jon prahledzieŭ kančatkovuju viersiju na pradmiet uniasieńnia ahavoranych im źmienaŭ, uchvaliŭ jaje i płanuje padpisać zakon», — skazała jana.
Vierchniaja pałata Kanhresu ZŠA ŭviečary ŭ čaćvier, 27 lipienia, pieravažnaj bolšaściu hałasoŭ prahałasavała za abnoŭleny pakiet abmiežavalnych štrafnych mier u adnosinach da Rasii, Irana i Paŭnočnaj Karei. Za ŭviadzieńnie novych sankcyj prahałasavali 98 z 100 sienataraŭ.
Padstavaj dla pryniaćcia sankcyj suprać Maskvy źjaŭlajucca anieksija Kryma, a taksama chakierskija ataki z metaj paŭpłyvać na prezidenckija vybary. Raniej, 25 lipienia, zakonaprajekt byŭ uchvaleny absalutnaj bolšaściu ŭ Pałacie pradstaŭnikoŭ.