Vytvorca elektramabilaŭ Tesla vypuściŭ na rynak novuju, treciuju sieryjnuju madel ekałahičnaha aŭtamabila, raźličanaha na masavaha spažyŭca.
Elektryčny piacimiescavy siedan Model 3 źjaŭlajecca samaj tannaj madellu ŭ liniejcy Tesla. Madel pradstavili ŭ sakaviku minułaha hoda, a na hetym tydni pieršyja tryccać pakupnikoŭ - u asnoŭnym heta pracaŭniki kampanii - atrymali svaje elektramabili, piša Bi-bi-si.
Kiraŭnik Tesla Mask ličyć, što Model 3 - heta najlepšy aŭtamabil za takuju canu - jak siarod elektramabilaŭ, tak i bienzinavych mašyn.
U samoj tannaj kamplektacyi Model 3 kaštuje 35000 dalaraŭ. Jak raźličvaje vytvorca, takaja cana dazvolić zacikavić šyrokaje koła pakupnikoŭ.
Adnak samy tanny elektramabil Tesla kaštuje daražej za hałoŭnych kankurentaŭ novaj Model 3. Tak, elektramabil Nissan Leaf možna nabyć za 30 680 dalaraŭ, a hibrydny aŭtamabil Chevrolet Volt - 34 000 dalaraŭ.
Inšyja madeli elektramabilaŭ Tesla pradstaŭleny ŭ bolš vysokim koštavym siehmiencie. Tak, samaja nizkaja cana na elektramabili Model S i Model X składaje 80 000 dalaraŭ.
Kiraŭnik Tesla Mask ličyć, što Model 3 - najlepšy elektramabil za takuju canu (35 000 dalaraŭ).
Zhodna z płanami kampanii, u 2017 hodzie štotydzień maje vypuskacca 5000 aŭtamabilaŭ Model 3, a u 2018 hodzie - 10000.
Tyja, chto zamović aŭto zaraz, atrymajuć svoj elektramabil tolki ŭ nastupnym hodzie.
Papiaredniuju apłatu ŭžo zrabili bolš za 500 000 pakupnikoŭ.
Kali Tesla sapraŭdy zmoža pradavać zapłanavanuju kolkaść aŭtamabilaŭ, to pa abjomie prodažaŭ u ZŠA kampanija abminie BMW, Mercedes i Lexus.
Pa słovach spadara Maska, usie elektramabili Tesla abstaloŭvajuć sistemaj aŭtapiłota.
«U budučym aŭtamabili buduć usio bolš aŭtanomnymi … Vy zmožacie [pakul mašyna jedzie sama] hladzieć film, mieć znosiny ź siabrami, spać», - kaža kiraŭnik Tesla.
Kapitalizacyja kampanii Tesla amal padvoiłasia ad śniežnia da kanca červienia ŭ vyniku padtrymki inviestarami stratehii Maska pa transfarmacyi svajoj kampanii ŭ śfieru masavaj vytvorčaści. Da hetaha Tesla zajmała nišu raskošnych transpartnych srodkaŭ.
Kampanija vypuściła pieršyja elektramabili Model 3 praz tydzień paśla taho, jak ułady Vialikabrytanii abviaścili ab tym, što ad 2040 jany płanujuć zabaranić prodaž novych aŭtamabilaŭ na bienzinie i dyzieli.
U pačatku lipienia aŭtavytvorca Volvo abviaściŭ, što stanie pieršym z vytvorcaŭ aŭtamabilaŭ, jaki admovicca ad tradycyjnych ruchavikoŭ unutranaha zharańnia za košt pierachodu na vytvorčaść hibrydnych madelaŭ i elektramabilaŭ.
Čatyrochhadovaja Maja Lubimcava, jakuju šukali bolš za sutki, zahinuła
Kamientary