Hałoŭnaja zadača ŭrada ŭ cełym i Ministerstva antymanapolnaha rehulavańnia i handlu zaklučajecca ŭ pavyšeńni prybytkaŭ nasielnictva, a nie ŭ administratyŭnym strymlivańni cen, zajaviŭ ministr antymanapolnaha rehulavańnia i handlu Uładzimir Kałtovič u intervju BiełTA.
Ministr adznačyŭ surjoznyja pośpiechi pa zapavoleńnia tempaŭ inflacyi ŭ krainie, nahadaŭšy, što ŭ 2015 hodzie jana była na ŭzroŭni 12%, u 2016 - 10%, pa pieršym paŭhodździ 2017 - 3,4%.
«Raźliki pakazvajuć, što pa vyniku hoda zadačy pa ISC (Indeks spažyvieckich cenaŭ) buduć vykananyja. Dyk jakija pytańni da cenaŭ? Peŭnuju niezadavolenaść budzie zaŭsiody, my heta razumiejem. Ale dziejničajem zychodziačy z realnaj situacyi, jakaja składvajecca, nakiroŭvajem namahańni nie na baraćbu z cenami. Tak, my ich manitorym, kantralujem, ale baraćba z cenami - heta baraćba z tym, što ŭžo zdaryłasia», - padkreśliŭ Kałtovič.
Jon taksama raspavioŭ, što ministerstva ciapier pracuje z manapalistami, jakija zajmajuć vialikija doli na rynku suviazi, elektraenierhii, charčavańnia, vyznačajučy dla ich mahčymaść pavyšeńnia cany. Da prykładu, pasłuhi sotavaj suviazi letaś padaraželi na 22%, sioleta - užo na 9%. «I bolš davać dazvoł na pavyšeńnie cenaŭ my nie płanujem. Voś vynik našaj časam nievidavočnaj dla šyrokaj hramadskaści pracy», - padkreśliŭ ministr.
Jon taksama raspavioŭ, što z krasavika na haračuju liniju ŭ ministerstva źviarnulisia kala 300 čałaviek, ź jakich prykładna 45-50% pa pytańniach cenaŭtvareńnia. Dola abhruntavanych pretenzij - kala 20%. «Pryčym čaściakom było dastatkova adnaho zvanka, kab pradpryjemstvy, miascovyja orhany ŭłady admianili rašeńnie pra nieabhruntavanaje pavyšeńnie cen. Hety pakazčyk u 20% my razhladajem jak naturalny, bo zusim biez parušeńniaŭ naŭrad ci moža abyścisia. Važniej inšaje: my bačym, što niama sistemnych prablem, jakija źviazany z parušeńniem zakanadaŭstva ab cenaŭtvareńni», - padkreśliŭ Kałtovič.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym4
Kamientary