Ministr zamiežnych spraŭ Rumynii Teador Mieleškanu vyrašyŭ nie lacieć tranzitam praz Maskvu paśla taho, jak Rumynija zabaraniła ŭvachodzić u svaju pavietranuju prastoru samalotu ź vice-premjeram RF Dźmitryjem Rahozinym. Pra heta raspavioŭ TASS sam Rahozin.
Jon nie ŭdakładniŭ, pa jakoj pryčynie Mieleškanu pryniaŭ takoje rašeńnie, i kali mienavita adbyŭsia palot.
Teador Mieleškanu 27 i 28 lipienia znachodziŭsia ź vizitam u Kazachstanie.
Incydent ź Dźmitryjem Rahozinym adbyŭsia 28 lipienia. Vice-premjer RF lacieŭ u Małdovu rejsavym samalotam, dzie aproč jaho było jašče 165 pasažyraŭ. Ale Ukraina i Rumynija nie prapuścili samalot z Rahozinym praz svaju pavietranuju prastoru. Samalot musiŭ raźviarnucca nad Vienhryjaj (jakaja taksama nie dała dazvołu na pasadku ŭ Budapiešcie), sieści ŭ Minsku i vysadzić Rahozina.
Kamientary