Vital Hurkoŭ staŭ pieramožcam u kikboksinhu na Suśvietnych hulniach va Urocłavie (Polšča). Heta spabornictvy pa vidach sportu, jakija nie ŭvachodziać u prahramu Alimpijady.
«U finale ŭ ciažkim bai jon pieramoh ukrainskaha vunderkinda Vasila Sarokina, — paviedamlaje biełaruski kikbaksior i žurnalist Jaŭhien Vałošyn. — U pieršym raŭndzie biełarus byŭ lepšy praktyčna va ŭsich kampanientach, u druhim — prajhraŭ, ŭ trecim — zdoleŭ źmianić taktyku i dabicca pieramohi. Na žyłach, nasupierak łohicy».
Heta adziny załaty miedal u składzie zbornaj Biełarusi.
Aproč Hurkova, z našaj kamandy na pjedestał padniaŭsia tolki Mikita Šostak (81 kh, 18 hod, trenier Vital Cišuroŭ, Bulat Gym).
Ciaham turniru Vital vybiŭ z baraćby partuhalca Djoha Kałada, jakomu niadaŭna prajhraŭ u Minsku na čempijanacie śvietu.
Suśvietnyja hulni pravodziacca kožnyja 4 hady, na nastupny hod paśla praviadzieńnia Alimpijad. Spartsmieny spaborničajuć u dyscyplinach, jakija nie ŭvachodziać u prahramu Alimpijskich hulniaŭ. Va Urocłavie vystupajuć bolš za 3500 atletaŭ z 100 krain u 31 vidzie sportu.
U Hulniach va Urocłavie brali ŭdzieł 88 bajcoŭ muaj-taj u 11 vahavych katehoryjach. Razyhrany 11 kamplektaŭ uznaharod.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym4
Kamientary