Prezident Rasii Uładzimir Pucin u ekskluziŭnym intervju viadučamu VHTRK Uładzimiru Sałaŭjovu zajaviŭ, što ŭ ramkach kontrsankcyj suprać ZŠA Rasiju pavinny buduć pakinuć 755 amierykanskich dypłamataŭ.
«Tysiača ź lišnim supracoŭnikaŭ — dypłamataŭ i techničnych rabotnikaŭ — pracavali, da hetaha času jašče pracujuć u Rasii, 755 pavinny buduć spynić svaju dziejnaść u Rasijskaj Fiederacyi. Heta adčuvalna», — skazaŭ prezident Rasii.
Takim čynam, kolkaść piersanału amierykanskich dypmisij u Rasii stanie takim ža, jak i rasijski piersanał u Amierycy - pa 455 čałaviek z kožnaha boku.
Pa słovach Pucina, takoje rašeńnie Maskvy tłumačycca tym, što amierykanski bok «raspačaŭ ničym nie spravakavany krok pa paharšeńni rasijska-amierykanskich adnosinaŭ».
«My davoli doŭha čakali, što, moža być, niešta źmienicca da lepšaha, spadziavalisia, što situacyja niejak źmienicca. Ale, miarkujučy pa ŭsim, kali jana i źmienicca, to nie chutka, - padkreśliŭ rasijski prezident. — My pavinny, ja paličyŭ, pakazać, što my taksama ŭžo biez adkazu ničoha pakidać nie budziem».
U adkaz na ŭchvału kanhresam ZŠA novych sankcyjaŭ suprać Rasii, Maskva pryniała ŭłasnyja kontrmiery: z 1 žniŭnia spyniajecca vykarystańnie dypłamatami ZŠA składskich pamiaškańniaŭ u Maskvie i dačy ŭ Srebnym Bary.
Rasija taksama zapatrabavała da 1 vieraśnia masava skaracić kolkaść amierykanskich dypłamataŭ u Rasii, kab zraŭniać ich ź likam rasijskich dypłamataŭ u ZŠA.
-
Premjer Litvy: Sankcyi suprać Rasii i Biełarusi pavinny być chacia b rehijanalnymi, nacyjanalnyja biez tołku
-
Hłamurny kosmas. Džef Biezas adpraŭlaje siońnia ŭ kosmas svaju niaviestu i jašče piać žančyn
-
Kyrhyzstan uručyŭ notu pratestu rasijskamu pasłu paśla abłavy i žorstkaha źbićcia svaich hramadzian u maskoŭskaj łaźni
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym4
Kamientary