Sud Kastryčnickaha rajona Mahilova pačaŭ razhlad karupcyjnaha spravy byłoj namieśnicy dyrektara Mahiloŭskaha miasakambinata Volhi Nahich, abvinavačanaj u kradziažach na sumu kala 1,6 miljarda niedenaminavanych rubloŭ, piša tut.by.
Pavodle infarmacyi śledstva, z 2013-ha pa 2015 hod abvinavačanaja vykradała pryznačanuju dla dehustacyi pradukcyju pradpryjemstva. Ahulny košt vykradzienaha skłaŭ 1,3 miljarda niedaminavanych rubloŭ. Padčas rasśledavańnia kryminalnaj spravy škoda była kampiensavanaja ŭ poŭnym abjomie, kryminalnaja sprava pieradadziena prakuroru dla nakiravańnia ŭ sud.
Nahich abvinavačvajecca taksama pa artykule 211 KK (prysvajeńnie abo rastrata). Joj inkryminujuć škodu ŭ 1,6 młrd rubloŭ.
Pa spravie prachodzić bolš za 100 śviedak, jano składajecca z 12 tamoŭ.
Mahiloŭski miasakambinat staŭ skandalna viadomym u 2015 hodzie, kali siłaviki pačali raskryvać adno za adnym karupcyjnyja spravy, u jakich byli zamiašanyja kiraŭniki pradpryjemstva.
Kamientary