U Ivacevičach niećviarozy baćka vypuściŭ trochhadovaje dzicia na padłohu, u vyniku čaho chłopčyk atrymaŭ traŭmu hałavy, paviedamiła BIEŁTA aficyjny pradstaŭnik USK pa Bresckaj vobłaści Maryna Drańkova.
Ivacevickim rajonnym adździełam Śledčaha kamiteta pravodzicca pravierka pa fakcie atrymańnia cialesnych paškodžańniaŭ chłopčykam 2014 hoda naradžeńnia. Jaho baćka adpačyvaŭ razam ź siabram u kafe. Viečaram za pryjacielami zajšli ich žonki ź dziećmi. Pierad sychodam 28-hadovy mužčyna staŭ hulacca z synam na tancavalnaj placoŭcy. Jon uziaŭ jaho za ruki i padkinuŭ uvierch, ale nie ŭtrymaŭ. Chłopčyk upaŭ prykładna z vyšyni dvuch mietraŭ na plitkavuju padłohu i atrymaŭ čerapna-mazhavuju traŭmu. Bryhada chutkaj dapamohi dastaviła jaho ŭ miascovuju balnicu. U ciapierašni čas jon praciahvaje lačeńnie ŭ Baranavičach.
Baćka źjaŭlajecca indyvidualnym pradprymalnikam, raniej nie sudzimy, charaktaryzujecca stanoŭča. Siamja vychoŭvaje jašče adno dzicia. Žančyna svajho muža da jakoj-niebudź adkaznaści pryciahvać nie žadaje.
«Rašeńnie ab zaviadzieńni kryminalnaj spravy budzie prymacca ŭ zaležnaści ad stupieni ciažkaści cialesnych paškodžańniaŭ dziciaci pa vynikach praviadzieńnia sudova-miedycynskaj ekśpiertyzy», — padkreśliła Maryna Drańkova.
Kamientary