Premjer-ministr RF Dźmitryj Miadźviedzieŭ zajaviŭ, što paśla padpisańnia prezidentam ZŠA Donaldam Trampam zakona pra novyja sankcyi suprać Rasii straciŭ nadzieju na palapšeńnie adnosin Rasii ź Biełym domam.
«Pa-pieršaje, nadziei na palapšeńnie našych adnosin z novaj amierykanskaj administracyjaj — kaniec. Pa-druhoje, Rasii abjaŭlena paŭnavartasnaja handlovaja vajna», — napisaŭ jon u fejsbuku.
Pa słovach Miadźviedzieva, Rasija za apošnija hady navučyłasia «vyrašać najvažniejšyja dziaržaŭnyja zadačy, raźličvajučy pierš za ŭsio na siabie» i va ŭmovach «amal zakrytych finansavych rynkaŭ» i «bojazi zamiežnych kredytoraŭ i inviestaraŭ ŭkładvacca ŭ Rasieju». «My spravimsia», — skazaŭ na zakančeńnie Miadźviedzieŭ.
2 žniŭnia prezident ZŠA Donald Tramp padpisaŭ zakon pra novyja sankcyi suprać Rasii (a taksama Irana i KNDR), jaki byŭ padrychtavany i pryniaty amierykanskim Kanhresam. Akramia ŭzmacnieńnia ułasna antyrasiejskich sankcyj dakumient zabaraniaje prezidentu ZŠA admianiać sankcyi biez ŭzhadnieńnia z Kanhresam.
Paśla pryniaćcia zakonaprajekta abiedźviuma pałatami Rasija zapatrabavała ad ZŠA skaracić štat supracoŭnikaŭ dypłamatyčnych pradstaŭnictvaŭ u RF da 455 čałaviek (skaročanyja buduć 755 čałaviek, u tym liku rasijanie). Akramia taho, ZŠA pazbavili pasolskaj dačy i składa ŭ Maskvie.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary