Amierykanski lidar Donald Tramp prapanavaŭ imihracyjny zakonaprajekt RAISE, jaki praduhledžvaje admovu ad vizavaj łatarei Green Card. Infarmacyja pra heta była apublikavanaja 2 žniŭnia na aficyjnaj staroncy sienatara-respublikanca Toma Kotana, jaki źjaŭlajecca adnym z aŭtaraŭ dakumienta.
U paviedamleńni adznačajecca, što isnujučaja raniej sistema sastareła, jana nie adpaviadaje ekanamičnym i humanitarnym intaresam krainy. Taksama ŭ zajavie havorycca, što Złučanyja Štaty Amieryki chočuć adčynić dźviery talenavitym ludziam z usiaho śvietu, a heta zapatrabuje źmianieńniaŭ praviłaŭ ujezdu.
U zakonaprajekcie RAISE ahavorvajecca ŭkaranieńnie sistemy bałaŭ dla imihrantaŭ. Tyja, chto zmoža nabrać bolš bałaŭ, buduć karystacca pryjarytetam. Na dumku aŭtaraŭ dakumienta, takija ludzi zmohuć palepšyć amierykanskuju ekanomiku, atrymaŭšy pośpiech u svajoj prafiesii. Limit ludziej, jakich zmohuć pryniać ZŠA dla pastajannaha pražyvańnia, składzie 50 tys. na hod.
Prahrama pad nazvaj Diversity Visa (viadomaja ŭ nas jak Green Card) pracuje ŭ ZŠA ad 1990 hoda. Štohod pa hetaj prahramie vid na žycharstva z pravam pracaŭładkavańnia ŭ ZŠA atrymlivajuć 55 tysiač zamiežnikaŭ.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary