Były načalnik upraŭleńnia KDB pa Minsku i Minskaj vobłaści i Instytuta nacyjanalnaj biaśpieki hienierał-major Ihar Kuźniacoŭ pracuje pamočnikam dyrektara AAT «Budtechprahres». Infarmacyja pra heta raźmieščana na sajcie Biełaruskaj fiederacyi bijatłona, u jakoj u mai Kuźniacoŭ staŭ namieśnikam staršyni, paviedamlaje tut.by.
«U hetym niama ničoha dziŭnaha, pakolki Kuźniacoŭ i Bacianoŭski ŭžo daŭno varacca ŭ bijatłonie», - skazała infarmavanaja krynica.
Siarhiej Bacianoŭski ŭvachodzić u skład naziralnaj rady BFB, jaki ŭznačalvaje kiraŭnik KDB Valeryj Vakulčyk. Jon taksama staršynia savieta dyrektaraŭ kampanii «OKB TSP», jakaja ŭ 2015 hodzie vykupiła dziaržaŭny pakiet akcyj u AAT «Budtechprahres», jakoje śpiecyjalizujecca na rabotach, źviazanych z apracoŭkaj mietału.
OKB TSP - heta pradpryjemstva abaronnaha kompleksu Biełarusi. Dziejnaść kampanii, zasnavanaj ŭ 2002 hodzie, nakiravana na raspracoŭku i vytvorčaść novych uzoraŭ uzbrajeńnia i vajskovaj techniki, madernizacyju isnujučych bajavych adzinak, ažyćciaŭleńnie navukova-daśledčych i dośledna-kanstruktarskich rabot. Uładalnikami kampanii źjaŭlajucca ziać eks-premjera Siarhieja Linha Siarhiej Bacianoŭski i kampanija «Inviestycyjnaje finansavańnie». Da ŭvodu sankcyj z boku ES kampanija ŭvachodziła ŭ «Biełtech Chołdynh» Uładzimira Piefcijeva i nazyvałasia «Technasajuzprajekt».
U 2014 hienierał-major Ihar Kuźniacoŭ byŭ vyzvaleny ad pasady načalnika dziaržaŭnaj ustanovy adukacyi «Instytut nacyjanalnaj biaśpieki Respubliki Biełaruś» i zvolnieny z vajskovaj słužby ŭ zapas pa ŭzrostu z pravam našeńnia formy i znakaŭ adroźnieńnia. Viadomaść Kuźniacoŭ zasłužyŭ, kali ŭznačalvaŭ ŭpraŭleńnie KDB pa Minsku i Minskaj vobłaści. Mienavita ź jaho padačy byli zaviedzieny kryminalnyja spravy suprać mnohich maładafrontaŭcaŭ.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary