Klimatołahi: Indyja, Pakistan i Banhładeš mohuć stać nieprydatnymi dla žyćcia da kanca stahodździa
Dalejšaje padvyšeńnie tempieratur i rezki rost vilhotnaści pavietra zrobić faktyčna ŭsiu Indyju i inšyja dziaržavy Paŭdniovaj Azii nieprydatnymi dla žyćcia čałavieka, zajaŭlajuć navukoŭcy ŭ artykule, apublikavanym u časopisie Science Advances.
Jak adznačajuć navukoŭcy, prykładna try čverci žycharoŭ Paŭdniovaj Azii siońnia pražyvajuć na terytoryjach, jakija faktyčna nie buduć prydatnyja dla žyćcia praz stahodździe. Jany pryjšli da takoj vysnovy, sprabujučy zrazumieć, jak źmienicca tak zvanaja «tempieratura mokraha termomietra» u bližejšyja 100 hadoŭ u Indyi, Banhładeš, Pakistanie i ŭ sumiežnych ź imi krainach.
«Tempieraturaj mokraha termomietra» hieołahi i klimatołahi nazyvajuć kambinacyju z dvuch faktaraŭ — tempieratury navakolnaha asiarodździa i vilhotnaści. Jana aznačaje vielmi prostuju reč — vyšej za hetuju adznaku nijaki arhanizm nie zmoža astudzić siabie, vyparajučy vilhać sa svajoj pavierchni.
Situacyja ŭ krainach Paŭdniovaj Azii, jak pakazvajuć raźliki navukoŭcaŭ, budzie dramatyčnaj — «tempieratura mokraha termomietra» budzie vyšej za adznaku 31-32 hradusa Celsija dla prykładna 75% žycharoŭ Indyi i inšych krain rehijonu, kali ŭsie dziaržavy nie admoviacca ad skaračeńnia vykidaŭ parnikovych hazaŭ. Prykładna 4% ź ich buduć žyć u tych rehijonach, dzie hety pakazčyk dasiahnie adznaki 35 hradusaŭ Celsija, i stanuć aficyjna nieprydatnymi dla žyćcia.
Varta adznačyć, što baraćba z padobnymi nastupstvami hłabalnaha paciapleńnia pavinna być, u pieršuju čarhu, spravaj samich žycharoŭ Indyi. Indyja, razam z Kitajem, źjaŭlajecca adnym z hałoŭnych «pastaŭščykoŭ» parnikovych hazaŭ u atmaśfieru, čyja dola pastajanna raście, a nie padaje, jak u raźvitych krainach Zachadu.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary