Fiadyniča zatrymali śpiecsłužbisty, pieraapranutyja ŭ santechnikaŭ
Stali viadomyja padrabiaznaści zatrymańnia i dopytu Hienadzia Fiadyniča. Jak raskazaŭ lidar prafsajuza REP, jaho zatrymali a 9-j ranicy: u lifcie ŭłasnaha doma, tam čakali chłopcy, apranutyja ŭ śpiecvopratku, jakuju nosiać rabotniki kamunalnych słužbaŭ. Jany pakazali Fiadyniču paśviedčańni supracoŭnikaŭ Departamienta finrasśledavańniaŭ.
Pieratrus na kvatery doŭžyŭsia ad 9 da 15 hadziny. Pavodle słovaŭ Fiadyniča, u jaho apisali majomaść: kvateru na vulicy Mielnikajcie, mašynu «Tajota», televizar, muzyčny centr.
Dopyt u Kamitecie dziaržkantrolu na vulicy Broŭki ciahnuŭsia da 22:30. Pierad tym, jak vypuścić, ź Fiadyniča ŭziali padpisku ab nierazhałošvańni. Padpisku ab niavyjeździe nie brali.
Ciapier Fiadynič znachodzicca ŭ statusie padazravanaha pa kryminalnaj spravie. Abvinavačańnie vystavili pa artykule 243 č.2. Pavodle śledčych, jon nie spłaciŭ za 2011 hod padatkaŭ na 22 tysiačy rubloŭ (denaminavanymi).
«Ja ŭsie padatki płaču spraŭna. I nijakich hrošaj ja nie mieŭ. A toje, što prafsajuz źjaŭlajecca siabram mižnarodnaj arhanizacyi «Industryjał», i toje, što jon siabruje z usim śvietam — usim viadoma. My pravodzili i budziem pravodzić sustrečy, navučalnyja prahramy. Biez hetaha prafsajuz nie moža isnavać», — kaža Fiadynič.
Pa jahonych słovach, zatrymlivać Fiadyniča płanavali jašče 30 lipienia, u dzień 60-hodździa, adnak nie advažylisia, bo na ofisie było šmat ludziej.
Hienadź Fiadynič źviazvaje zatrymańnie ŭ tym liku z pratestami suprać Dekreta №3. «Ahułam siabry REPa adsiedzieli 170 sutak, zapłacili štrafaŭ na sumu 4200 jeŭra. 39 čałaviek padpali pad represii».
Inšy prafsajuzny lidar Alaksandr Jarašuk zajaviŭ, što REP «sam padstaviŭsia». «Chaj heta dumka zastajecca pry im», — skazaŭ Fiadynič.
REP źviarnuŭsia ŭ mižnarodnyja prafsajuznyja arhanizacyi z prośbaj ab salidarnaści.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary