Znakamity ŭkrainski 41-hadovy baksior Uładzimir Kličko zaviaršyŭ prafiesijnuju karjeru. Ab hetym rašeńni jon paviedamiŭ na svaim kanale ŭ YouTube.
- 27 hadoŭ tamu ja zrabiŭ vybar. Abraŭ prafiesiju, jakaja stała maim žyćciom. Ja pačaŭ padarožža ŭ sport. Abrany šlach adkryŭ mnie śviet - u litaralnym sensie hetaha słova. Mała takich krain na ziamli, dzie ja nie byvaŭ. Ja vyvučyŭ zamiežnyja movy, stvaryŭ svoj biznes i abjekty intelektualnaj ułasnaści.
Ja dasiahnuŭ usiaho, pra što maryŭ, i ciapier chaču pačać maju druhuju karjeru paśla sportu. Ja nikoli nie dumaŭ, što ŭ mianie budzie takaja doŭhaja i nievierahodna paśpiachovaja karjera ŭ boksie, — skazaŭ Kličko.
Baksior zajaviŭ, što zaraz zasiarodzicca na raźvićci svajho brenda i zaklikaŭ zaŭziataraŭ dałučacca i dzialicca idejami.
Za 21 hod na prafiesijnym rynhu Uładzimir Kličko pravioŭ 69 bajoŭ - 64 pieramohi (53 nakaŭtam) i 5 parazaŭ.
Byŭ čempijonam śvietu pa viersijach Suśvietnaj baksiorskaj arhanizacyi (WBO, 2000-2003, 2008-2015), Mižnarodnaj baksiorskaj fiederacyi (IBF, 2006-2015), Suśvietnaj baksiorskaj asacyjacyi (WBA, 2011-2015) u supierciažkaj vazie.
Alimpijski čempijon 1996 hoda.
Uładzimir Kličko — brat Vitala Kličko, taksama znakamitaha baksiora i palityka, jaki ciapier źjaŭlajecca meram Kijeva.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary