Za apošnija 5 hadoŭ na dolu Minska ŭ siarednim prychodziłasia 45% usich ździełak kupli-prodažu kvater siarod bujnych haradoŭ Biełarusi. U I pałovie minułaha hoda rehijanalnyja pakupniki masava nakiravalisia ŭ Minsk, davioŭšy dolu stalicy da rekordnych 50%. Praz hod jana znoŭ viarnułasia da normy, i šmat u čym heta tłumačycca razryvam u koštach pamiž Mienskam i astatniaj krainaj.
U pačatku kryzisu ceny na kvatery ŭ Minsku byli ŭ siarednim na 65% vyšejšymi, čym u abłasnych centrach. Na dadzieny momant pieravyšeńnie składaje ŭžo 102%. Takoje rassłajeńnie pamiž centram i rehijonami nazirałasia apošni raz u dalokim 2008 hodzie.
Pakupniki z rehijonaŭ usumnilisia, ci varta kuplać kvateru ŭ stalicy. Ceny realnych ździełak u stalicy za apošni hod nie źmianilisia, a ŭ bolšaści inšych haradoŭ «asieli» ŭ siarednim na 6—10%. Mnohija z tych, chto mieŭ mahčymaść nabyć kvateru ŭ Minsku, u rešcie rešt inviestavali hrošy ŭ rynak nieruchomaści svajho rodnaha horada.
