Nacyjanalnyja ŭzbrojenyja siły Łatvii hatovyja da mahčymych pravakacyj padčas rasijska-biełaruskich vajskovych vučeńniaŭ «Zachad», što pavinny prajści ŭ vieraśni, zapeŭnili hazietu Diena ŭ Ministerstvie abarony.
Choć ministerstva 2 žniŭnia atrymała zaprašeńnie nakiravać na vučeńni dvuch naziralnikaŭ z Łatvii, heta jašče nie aznačaje, što budzie zabiaśpiečana adkrytaść i prazrystaść vučeńniaŭ, piša vydańnie. Pra toje, što padčas vučeńniaŭ mahčymyja pravakacyi, publična vykazalisia i kamandujučy vojskami Łatvii Leanid Kałnińš, i ministr abarony Rajmand Bierhmanis.
U Ministerstvie zamiežnych spraŭ Łatvii zajavili, što, choć scenar vučeńniaŭ praduhledžvaje terytaryjalnuju abaronu Rasii i Biełarusi, z ulikam scenaryjaŭ vajennych vučeńniaŭ «Zachad-2009» i «Zachad-2013» hałoŭnaja prablema na siońnia — adsutnaść prazrystaści.
«Hałoŭnaje — heta vopyt!» Łukašenka nazvaŭ, kaho bačyć nastupnym prezidentam14
Kamientary