Deputat Dziarždumy RF Vital Miłonaŭ nakiravaŭ zvarot ministru suviazi i masavych kamunikacyj Mikałaju Nikifaravu z prapanovaj uvieści zabaronu na ažyćciaŭleńnie dziejnaści pornasajtaŭ u volnym režymie, ukaranić miechanizm uzrostavaj vieryfikacyi dla naviedvańnia takich resursaŭ, a taksama zabaranić ich svabodnuju rekłamu, pieradaje RIAN sa spasyłkaj na tekst zvarotu Miłonava.
Taksama deputat prapanavaŭ Nikifaravu prypynić pracu lohkadastupnych dla karystalnikaŭ, u tym liku niepaŭnaletnich, pornasajtaŭ da stvareńnia efiektyŭnych miechanizmaŭ i praviłaŭ ich isnavańnia ŭ rasijskim siehmiencie internetu.
Jak adznačaje Miłonaŭ, kali darosłyja samastojna prymajuć rašeńnie ab naviedvańni roznaha rodu virtualnych resursaŭ i ŭjaŭlajuć stupień ułasnaj adkaznaści, to dzieci nie ŭ stanie acanić mahčymyja nastupstvy ad rańniaj cikavaści da takich tem. Tak, deputat spasyłajecca na mierkavańnie psichołahaŭ i psichijatraŭ, jakija miarkujuć, što rańniaja cikavaść da seksualnaj śfiery pravakuje adchileńni i raźvićcio seksualnych i psichałahičnych patałohij.
«Adnym z samych dziejsnych mietadaŭ stała tatalnaja zabarona t. zv. «biaspłatnych» sajtaŭ, pazbaŭlenych jakoha-niebudź uzrostavaha filtra. U šerahu krain achvotnyja naviedvać takija placoŭki abaviazanyja prachodzić rehistracyju, uzrostavuju vieryfikacyju i karystacca takimi sajtami tolki z dapamohaj bankaŭskich tranzakcyj», — havorycca ŭ zvarocie Miłonava.
