Abjom avansaŭ, jakija «Rośniefť» vydała vieniesuelskaj naftavaj kampanii PDVSA, dasiahnuŭ $ 6 młrd. Niahledziačy na ryzyku defołtu Vieniesueły, rasijskaja kampanija ŭpeŭnienaja, što partnior vykanaje svaje abaviazacielstvy, pieradaje vydańnie rbc.ru.
Sumarny pamier pieradapłaty «Rośniefti» pa kantraktach ź vieniesuelskaj dziaržaŭnaj naftavaj kampanijaj PDVSA składaje kala $6 młrd, poŭnaje pahašeńnie čakajecca da kanca 2019 hoda, zajaviŭ padčas telefonnaj kanfierencyi 8 žniŭnia vice-prezident «Rośniefti» i daradca kiraŭnika kampanii pa płanavańni, kiravańni efiektyŭnaściu, raźvićci i inviestycyjach u pierapracoŭcy, kamiercyi i łahistycy Alaksandr Kraścileŭski.
Vieniesueła znachodzicca ŭ ciažkim finansavym stanoviščy. Pa dadzienych rejtynhavaha ahienctva Fitch, da leta 2017 hoda valutnyja reziervy Vieniesueły skaracilisia da $ 10,1 młrd — źnižeńnie na 7% z pačatku hoda i na 90% ź piku 2013 hoda. Inflacyja pa vynikach minułaha hoda skłała 900%, a padzieńnie VUP — 12%.
Kamientary