Niaŭžo znoŭ spraŭdžvajecca niejkaja zaležnaść mocy pryciskańnia ad blizkaści vybaraŭ? I jak krychu dalej ad vybaraŭ, tak mašyna represij stanovicca ŭsio miahčejšaj. Heta pryvodzić nas da taho, čaho šmat chto bajaŭsia jašče miesiac tamu, piša błogier BM
Jury Radzivił, aktyvist kamandy Kazulina, atrymaŭ učora prysud - try miesiacy za kratami pa abvinavačańni ŭ tym, byccam jon pahražaŭ žyćciu milicyjanta.
Napeŭna, usie ŭžo viedajuć abstaviny hetaha nie takoj ŭžo i niezvyčajnaj u našaj krainie spravy - kali mianiajucca miescami čornaje i biełaje, i vinavaty pieratvarajecca ŭ achviaru. Chaču prosta zaŭvažyć niekalki cikavych momantaŭ.
Pieršaje: apošnim časam usio čaściej «palityčnym» dajuć terminy jakraz takija, kab jany byli tolki krychu bolšyja za čas, užo praviedzieny za kratami; Radziviłu zastałosia siadzieć dzieści dva tydni, Sasimu - krychu bolej… Nia viedaju, ci možna dźvie spravy ličyć tendencyjaj, ale dziakuj bohu - doŭhaterminovyja aryšty ŭ nas dajuć jašče redka. Prakuror patrabavaŭ paŭtary hady Juryju (a na pačatku pracesa chadzili čutki pra šeść hadoŭ), a sudździa, pryznaŭšy vinu, daŭ tolki try miesiacy.
Niaŭžo znoŭ spraŭdžvajecca niejkaja zaležnaść mocy pryciskańnia ad blizkaści vybaraŭ? I jak krychu dalej ad vybaraŭ, tak mašyna represij stanovicca ŭsio miahčejšaj.
Heta pryvodzić nas da taho, čaho šmat chto bajaŭsia jašče miesiac tamu. Dzień za dniom antahanizm, supraćstajańnie, napružanaść u hramadztvie spadajuć. I režym taksama robić užo niejkija kroki ŭ hety bok. Tak zvanaja systemnaja apazycyja taksama pakrychu zvalvajecca ŭva ŭsio toje ž, što było i ŭ byłyja hady.. Labiedźka ŭ Vašynhtonie, Milinkieviča i Viačorku nie čuvać.
Roźnica tolki ŭ tym, što zaraz čutna hołas moładzi. Nie moładzievych arhanizacyj - a moładzi samoj pa sabie, aktyŭnaj, jakaja nie dazvalaje sabie zastavacca ŭ baku. Ale ž - nijaki narodny ruch nia moža raźvivacca biaź liderstva, biez nakirunku raźvićcia.
U mašyny ŭ budučyniu jość vydatny ruchavik, poŭny paliva, jaki rviecca pryvieźci nas u lepšuju budučyniu. Ale kali hłušyć jaho i cisnuć na tormaz, prapuskajučy napierad usich, daloka nia ŭjedziem…
BM, 19traŭnia
Ciapier čytajuć
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami68
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem55
Kamientary