Prabiehčy na 100 000 rubloŭ. U Biełarusi projdzie marafon biehavoj dapamohi

U Biełarusi z 26 žniŭnia pa 4 vieraśnia projdzie 10-dzionny marafon biehavoj dapamohi dzieciam ź ciažkimi zachvorvańniami. Biełarusy va ŭsim śviecie zmohuć pryniać «Vyklik 100 000: #velcombegom» i razam prabiehčy 100 tys. km, a velcom pieraviadzie ich u 100 tys. rubloŭ dla Respublikanskaj dziciačaj balnicy miedycynskaj reabilitacyi. Dabračynnaja kampanija projdzie pry padtrymcy Ministerstva achovy zdaroŭja.

Sacyjalnaja inicyjatyva nakiravana na dapamohu chvorym dzieciam, raźvićcio biehavoha ruchu i papularyzacyju zdarovaha ładu žyćcia. Jana zaklikana matyvavać vyjści na prabiežku navat tych, chto nikoli raniej nie biehaŭ. Kožny žadajučy pry dapamozie biehu moža zrabić svoj uniosak u reabilitacyju dziaciej, jakija pieranieśli ciažkija zachvorvańni.

Kab stać udzielnikam akcyi, dastatkova vyjści na prabiežku z 26 žniŭnia pa 4 vieraśnia, z dapamohaj fitnies-dadatka zafiksavać na smartfon pieraadoleny kiłamietraž i apublikavać skrynšot u sacsietkach z chešteham #velcombegom abo #viełkombiehom. Ahulnuju kolkaść kiłamietraŭ buduć padličvać ŭ režymie anłajn, štodnia publikavać u sacsietkach i vyvodzić na vielizarny ekran u centry Minska.

Startuje akcyja 26 žniŭnia ŭ staličnym parku Pieramohi, dzie projdzie masavy zabieh u farmacie «1 + 1». Usiaho praduhledžana dźvie dystancyi daŭžynioj 5 km i 1 km. Biehuny taksama zmohuć pryniać udzieł u hrupavoj raźmincy i skretčynhu.

«Dabračynnaja inicyjatyva velcombegom zaraz budzie adroźnivacca ad papiarednich akcyj. Kali raniej my, pa sutnaści, pierakładali kiłamietry ŭ rubli ŭ dapamohu dzieciam, to ciapier kidajem biehavy vyklik usim nieabyjakavym, — adznačyŭ načalnik adździeła karparatyŭnych kamunikacyj velcom Viačasłaŭ Śmirnoŭ. — Naša zadača - zrabić tak, kab usie ŭdzielniki razam prabiehli 100 tys. km. Dla hetaha ŭ ich budzie bolš času — nie 2 dni, jak raniej, a cełych 10. Heta dapamoža pryciahnuć bolš udzielnikaŭ i nadaść bolšy stymuł tym, chto daŭno maryŭ zaniacca bieham».

Sacyjalnuju akcyju padtrymali ŭ Ministerstvie achovy zdaroŭja. «My praciahvajem šmathadovaje supracoŭnictva z kampanijaj velcom, jakaja nie pierastaje ździŭlać svaimi prajektami i zadumkami i dapamahaje arhanizacyjam achovy zdaroŭja daasnaścić i palepšyć umovy znachodžańnia pacyjentaŭ. Heta narmalny vopyt raboty ŭsich raźvitych krain. Čym bolš raźvitym stanovicca hramadstva, tym bolš u im duchoŭnaści i spahady», - ličyć načalnik hałoŭnaha ŭpraŭleńnia arhanizacyi miedycynskaj dapamohi Ministerstva achovy zdaroŭja Alena Bohdan.

Kali biełarusy prabiahuć 100 tys. km, velcom nakiruje 100 tys. rubloŭ Respublikanskaj dziciačaj balnicy miedycynskaj reabilitacyi. Na sabranyja srodki možna budzie nabyć najnoŭšaje abstalavańnie, u tym liku dla treniroŭki funkcyj vierchnich i nižnich kaniečnaściaŭ maleńkich pacyjentaŭ. Mabilny apieratar velcom taksama pieradaść 50 płanšetaŭ z apłačanym mabilnym internetam, kab dzieci mahli vykarystoŭvać ich padčas reabilitacyi.

«My ŭdziačnyja velcom za mahčymaść udziełu ŭ prajekcie. U balnicy prachodziać reabilitacyju dzieci paśla apieratyŭnaha lačeńnia puchlin, praciahłaj chimijaterapii i pramianiovaha lačeńnia, a taksama maleńkija pacyjenty z hiemafilijaj, roznymi niefrałahičnym zachvorvańniami. Niekatorym nieabchodna pravodzić analiz kryvi 3—4 razy na tydzień. Nabyćcio novaha abstalavańnia dazvolić rabić analizy na praciahu 5 chvilin, — patłumačyła hałoŭny ŭrač Respublikanskaj dziciačaj balnicy miedycynskaj reabilitacyi Halina Radzionava. — A z novymi kompleksami dla treniroŭki funkcyj vierchnich i nižnich kaniečnaściaŭ my zmožam stavić na nohi tych pacyjentaŭ, jakija ŭ vyniku chvaroby stracili ruchavyja navyki ».

Uziać udzieł u akcyi «Vyklik za 100 000: #velcombegom» moža kožny žadajučy. Dla hetaha nie abaviazkova być abanientam velcom. Biehać možna jak na terytoryi Biełarusi, tak i za jaje miežami.

• 0
• 0
• 0
• 0
• 0
• 0
• 0
• 0