Mižnarodny kalektyŭ navukoŭcaŭ vyjaviŭ, što kanakinumab adnačasova źnižaje ryzyku raźvićcia sardečna-sasudzistych zachvorvańniaŭ i imaviernaść źjaŭleńnia raku. Adpaviednaje daśledavańnie apublikavana ŭ The New England Journal of Medicine, koratka pra jaho paviedamlaje The Guardian.
Ryzyka raźvićcia sardečna-sasudzistych zachvorvańniaŭ, uklučajučy vypadki sa śmiarotnym vynikam, paśla injekcyj kanakinumabu źnižałasia na 15%, a nieabchodnaść u šuntavańni kryvianosnych sasudaŭ — na 30 pracentaŭ. Zachvorvańnie na rak (u pryvatnaści, puchlina lohkich) źniziłasia na 75%. Pryčyny apošniaha pakul nie jasnyja.
Daśledavańnie pravodziłasia z 2011 pa 2014 hod, u im pryniali ŭdzieł kala 17,5 tysiačy čałaviek. Siaredni ŭzrost udzielnikaŭ skłaŭ 61 hod, usie jany pieranieśli infarkt mijakarda.
«U svaim žyćci ja bačyŭ try hłabalnyja epochi prafiłaktyčnaj kardyjałohii. — skazaŭ suaŭtar Poł Rydkier. — Pa-pieršaje, my pryznali važnaść dyjety, fizičnych praktykavańniaŭ i spynieńnia kureńnia. Pa-druhoje, my ŭbačyli vielizarnuju kaštoŭnaść preparataŭ, jakija źnižajuć uzrovień tłuščaŭ, takich jak statyny. Ciapier my adkryvajem dźviery ŭ treciuju epochu. Heta vielmi cikava».
Kanakinumab raspracoŭvaŭsia kampanijaj Novartis. Praviedzienaje daśledavańnie taksama finansavałasia hetaj firmaj.
Kamientary