Na fonie čarhovaha pusku vajskoŭcami KNDR balistyčnaj rakiety, što pralacieła nad Japonijaj i ŭpała ŭ Cichim akijanie, kurs dalara da jeŭra znoŭ pajšoŭ uniz. U chodzie biržavych tarhoŭ u aŭtorak kurs jeŭra da dalara padniaŭsia (u paraŭnańni z zakryćciom papiaredniaha dnia) prykładna na 0,75% i ŭpieršyniu z pačatku studzienia 2015 hoda pieravysiŭ adznaku $1,2 za jeŭra. Na piku košt adzinaj jeŭrapiejskaj valuty dasiahnuŭ adznaki $1,2069.
Analityki źviazvajuć źnižeńnie kursu amierykanskaj valuty sa słabaściu ZŠA, ułady jakich nie zdoleli damahčysia ad Kim Čen Yna spynieńnia rakietnych vyprabavańniaŭ.
Ekśpierty adznačajuć taksama, što rost kursu jeŭra adbyvajecca na fonie baraćby ZŠA z trapičnym štormam «Charvi», straty ad jakoha mohuć skłaści niekalki dziasiatkaŭ miljardaŭ dalaraŭ, i napiaredadni pasiadžeńnia kiraŭnictva JECB, na jakim moža być pryniata rašeńnie ab uzmacnieńni žorstkaści hrašova-kredytnaj palityki.
Kamientary