Paŭła Truchanava pryznali vinavatym u chulihanstvie i hvałcie ŭ dačynieńni da supracoŭnika milicyi. Sami paciarpiełyja pretenzii da 33-hadovaha minčuka nie mieli, paviedamlaje Tut.by.
fota Volhi Aficeravaj
U piatnicu, 1 vieraśnia, sud Centralnaha rajona Minska vynies abvinavaŭčy prysud. Bližejšyja dva hady Pavieł Truchanaŭ praviadzie za kratami, jaho prysudzili da pazbaŭleńnia voli z adbyvańniem pakarańnia ŭ papraŭčaj kałonii va ŭmovach ahulnaha režymu.
«Abvinavačany pryznany vinavatym u naŭmysnych dziejańniach, jakija hruba parušajuć hramadski paradak i vykazvajuć vidavočnuju niepavahu da hramadstva, jakija adroźnivajucca pa svaim źmieście vyklučnym cynizmam. Akramia taho, jon pryznany vinavatym u hvałcie ŭ dačynieńni da supracoŭnika orhanaŭ unutranych spraŭ z metaj pieraškodzić jaho zakonnaj dziejnaści», — havorycca ŭ aficyjnym paviedamleńni, raźmieščanym na sajcie Viarchoŭnaha suda.
Pavieł Truchanaŭ asudžany pa dvuch artykułach Kryminalnaha kodeksa: č. 1 art. 339 KK «Chulihanstva» i art. 364 «Hvałt albo pahroza prymianieńnia hvałtu ŭ dačynieńni da supracoŭnika orhanaŭ unutranych spraŭ». Napiaredadni prakuror prasiŭ pryznačyć mužčynu pakarańnie ŭ vyhladzie troch hadoŭ pazbaŭleńnia voli.
Čytajcie taksama: U paciarpiełyja prymusova zapisali minakoŭ? Sudziać minčuka, jaki źniaŭ štany na repietycyi parada
