Dzień biełaruskaha piśmienstva staŭ sapraŭdnym simvałam niezaležnaści Biełarusi. Pra heta havorycca ŭ vinšavańni kiraŭnika dziaržavy Alaksandra Łukašenki ŭdzielnikam i haściam uračystych mierapryjemstvaŭ z nahody Dnia biełaruskaha piśmienstva, paviedamili BiełTA ŭ pres-słužbie kiraŭnika dziaržavy.
Dzień biełaruskaha piśmienstva — heta śviata kultury, aśviety i duchoŭnaści, adznačajecca ŭ vinšavańni.
«Šyrokija ŭračystaści, pryśviečanyja hetaj padziei, hod ad hodu nabyvajuć usio bolš hłyboki sens, bo jany viartajuć nas da svaich vytokaŭ, vyklikajuć pačućcio nacyjanalnaj hodnaści.
Śviata stała śviedčańniem adradžeńnia našych lepšych tradycyj, sapraŭdnym simvałam niezaležnaści Biełarusi. Uhladajučysia ŭ jaje šmatviakovuju historyju, my pierakonvajemsia ŭ tym, nakolki značny ŭkład zrabili našy słavutyja ziemlaki - aśvietniki, navukoŭcy, litaratary, muzykanty, mastaki - u suśvietnuju duchoŭna-kulturnuju skarbnicu.
Na hety raz stalicaj śviatkavańnia Dnia piśmienstva staŭ staražytny Połack - kałyska našaj dziaržaŭnaści.
Sioleta horad adznačaje 1155-hodździe.
Mienavita tut naradziŭsia vialiki Francysk Skaryna, jaki 500 hadoŭ tamu nadrukavaŭ pieršuju biełaruskuju knihu.
Drukavanaje słova, viedy, luboŭ da rodnaj ziamli byli i zastajucca nievyčerpnaj krynicaj siły i mudraści naroda, jaho niastrymnaha imknieńnia da svabodnaha i spraviadlivaha žyćcia. Upeŭnieny, što ciapierašnija ŭračystaści nadoŭha zastanucca ŭ pamiaci i buduć natchniać nas na plonnuju pracu dziela roskvitu Radzimy. Ščyra žadaju ŭsim udzielnikam i haściam śviata mocnaha zdaroŭja, dabrabytu, miru i ščaścia!» — adznačajecca ŭ vinšavańni.
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant26
Kamientary