Hetuju infarmacyju karespandentu BiełTA paćvierdzili ŭ Ministerstvie zamiežnych spraŭ Biełarusi.
Infarmacyja ab dadzienym fakcie siońnia źjaviłasia ŭ internecie. «Pasolstva Biełarusi ŭ Turcyi aktyŭna zajmajecca hetaj situacyjaj. Padtrymlivajecca kantakt sa svajakami zahinułaj i zatrymanaj hramadzianak Biełarusi, a taksama z tureckimi ŭładami, uklučajučy administracyju ŭstanovy, dzie znachodzicca zatrymanaja.
Ambasada akazvaje sadziejničańnie ŭ dastaŭcy zahinuŭšaj na radzimu i pracuje nad zabieśpiačeńniem dostupu da zatrymanaj rodnych i konsuła», - raspavioŭ BiełTA načalnik upraŭleńnia infarmacyi - pres-sakratar MZS Biełarusi Dźmitryj Mirončyk.
Jak pisaŭ raniej Błoh Hrodna s13, trahiedyja adbyłasia na tureckim kurorcie Side. Zahinuła 23-hadovaja haradzienka Kaciaryna, a jaje 26-hadovaja siabroŭka była zatrymanaja.
Pa słovach maładoha čałavieka Kaciaryny, u noč z 30 na 31 žniŭnia ŭ Side adbyłosia DTZ. Viadoma, što ŭ raźbitaj mašynie znachodzilisia dźvie haradzienki i dva hramadzianiny Turcyi. Pry hetym 26-hadovaja dziaŭčyna znachodziłasia za rulom. Pavodle papiarednich źviestak, ałkaholu ŭ ich kryvi vyjaŭlena nie było. Klučavy śviedka, turak, paśla vypiski z balnicy ŭciok.
Kamientary