Supracoŭniki ŭpraŭleńnia kryminalnaha vyšuku zatrymali 35-hadovaha mužčynu adrazu paśla taho, jak toj skraŭ rovar «Fudžy», paviedamlaje pres-słužba HUUS Minharvykankama. Taki rovar kaštuje 800 rubloŭ, jon naležyć 50-hadovaj žycharcy Minska.
Pavodle infarmacyi apieratyŭnikaŭ, u toj dzień złamyśnik chadziŭ pa kvaterach, spadziejučysia ŭ ich trapić dy razžycca čužoj majomaściu. Adnak niekalki sprobaŭ byli niaŭdałymi, i, kab niejak kampiensavać pravał, mužčyna vykraŭ rovar, jaki stajaŭ u padjeździe doma pa Smorhaŭskim trakcie (prakruciŭ zamok u tambury).
— Adrazu ž na vychadzie z padjezdu damušnik byŭ zatrymany apieratyŭnikami, - raspavioŭ načalnik upraŭleńnia kryminalnaha vyšuku HUUS Minharvykankama Viktar Praviła. - Jon i nie padazravaŭ, što ŭvieś toj dzień znachodziŭsia ŭ poli zroku milicyjantaŭ.
Svajo dačynieńnie da kradziažu mužčyna admaŭlaŭ, kazaŭ, što ŭłaśnik rovara daŭ jaho pakatacca. Pry sabie ŭ mužčyny była torba z admyčkami dla dźviarej. Apieratyŭnikam jon kazaŭ, što i torba nie jaho — znajšoŭ u padjeździe.
Zatrymanaha raniej užo sudzili za kvaternyja kradziažy, ciapier praviarajecca jaho dačynieńnie da siami śviežych kradziažoŭ u Savieckim rajonie Minska.
Raspačataja kryminalnaja sprava.
