Fota znak.com.
U niadzielu ŭ Maskvie, kala ambasady Mjanmy, niekalki sotniaŭ musulman praviali akcyju ŭ padtrymku adnaviercaŭ, jakich pieraśledujuć u hetaj krainie.
Palicyja pierakryła vulicu, ale nie ŭmiešvałasia.
Udzielniki akcyi raspaviali karespandentu Bi-bi-si, što pratestujuć suprać zabojstvaŭ musulman-rachindža.
Suprać pieraśledu musulman raniej vykazaŭsia kiraŭnik Čačenii Razman Kadyraŭ.
Raniej pravaabaroncy paviedamlali, što ŭ Mjanmie spalenyja niekalki sotniaŭ damoŭ miascovych musulman u štacie Rakchajn.
Ułady Mjanmy kažuć, što ŭ hetym rajonie prachodzić kontrterarystyčnaja apieracyja paśla napadu ŭzbrojenych hrup musulman-rachindža na palicejskich.
«Kali ŭłady hetaj prablemy nie vyrašać, my džychad budziem rabić!» — kazaŭ u miehafon adzin z vystupoŭcaŭ padčas mitynhu. «Ałachu akbar!» — skandavaŭ natoŭp.