U Bresckim abłasnym sudzie siońnia vyniesieny abvinavaŭčy prysud pa kryminalnaj spravie pra zabojstva, ździejśnienym z asablivaj žorstkaściu, paviedamiła BiełTA aficyjny pradstaŭnik suda Alena Kardeluk.
Sud pryznaŭ vinavatym 41-hadovaha žychara Kamianieckaha rajona ŭ naŭmysnym supraćpraŭnym pazbaŭleńni žyćcia inšaha čałavieka z asablivaj žorstkaściu, heta značyć u ździajśnieńni złačynstva pa p.6 č.2 art.139 KK.
Abvinavačany prysudžany da 16 hadoŭ pazbaŭleńnia voli z adbyvańniem pakarańnia ŭ papraŭčaj kałonii va ŭmovach ŭzmocnienaha režymu. Akramia taho, da mužčyny ŭžyta prymusovaje lačeńnie ad chraničnaha ałkahalizmu.
Prysud nie ŭstupiŭ u zakonnuju siłu, moža być abskardžany i apratestavany ŭ apielacyjnym paradku.
***
Trahiedyja adbyłasia 17 krasavika ŭ ahraharadku Chadosy Kamianieckaha rajona. Žychar pasiołka Pryaziorski znachodziŭsia ŭ haściach u 56-hadovaj miascovaj žycharki, ź jakoj adznačaŭ jaje dzień naradžeńnia. Padčas śviatkavańnia pamiž imi adbyłasia svarka. Sa słoŭ mužčyny, žančyna naniesła jamu ŭdar u hałavu plaškaj z-pad vina. Jon uziaŭ inšuju pustuju plašku, jakoj pryčyniŭ traŭmy imianińnicy. Ad atrymanych cialesnych paškodžańniaŭ žančyna pamierła. Mužčyna pracavaŭ valščykam lesu, raniej pryciahvaŭsia da kryminalnaj adkaznaści za hvałtoŭnyja złačynstvy
Kamientary