Iłan Mask patłumačyŭ Pucinu, što honka za štučnym intelektam moža pryvieści da treciaj suśvietnaj vajny
Na forumie «Prajektoryja» prezident Rasii Uładzimir Pucin skazaŭ, što, na jaho dumku, kraina, jakaja damahłasia lidarstva ŭ stvareńni štučnaha intelektu, «budzie ŭładarom śvietu». Stvaralnik Tesla i Falcon X Iłan Mask prakamientavaŭ słovy prezidenta Rasii.
Na forumie rasijski prezident skazaŭ, što, na jahonuju dumku, štučny intelekt — heta budučynia nie tolki Rasii, a budučynia ŭsiaho čałaviectva. Štučny intelekt adkryvaje kałasalnyja mahčymaści i ciažka prahnazujemyja siońnia pahrozy.
«I toj, chto stanie lidaram u hetaj śfiery, budzie ŭładarom śvietu», — dadaŭ Pucin.
Hetyja słovy Mask prakamientavaŭ u siabie ŭ tvitery nastupnym čynam:
«Chutka ŭśled za Kitajem i Rasijaj usie krainy buduć vychvalacca svajoj kampjutarnaj mocaj. Kankurencyja za pieršynstvo ŭ vobłaści štučnaha intelektu na nacyjanalnym uzroŭni, chutčej za ŭsio, stanie pryčynaj treciaj suśvietnaj vajny».
«Vielmi b nie chaciełasia, kab hetaja manapolija [na štučny intelekt] była zasiarodžanaja ŭ čyichści kankretnych rukach», — skazaŭ Pucin u toj ža pramovie, jak by adkazvajučy na zaściarohu Maska.
Biełaruskaja błohierka pakazała, jaki žach moža adbyvacca z vusnami, kali chočaš ich pavialičyć — a potym pamienšyć7
Kamientary