Dvoje rasijskich vajskoŭcaŭ zahinuli ŭ siryjskaj pravincyi Dejr-ez-Zor, patrapiŭšy pad minamiotny abstreł. Minabarony Rasii paviedamlaje, što pa ich stralali bajeviki «Isłamskaj dziaržavy».
«Vajskoŭcy kantraktnaj słužby supravadžali aŭtamabilnuju kałonu rasijskaha centra pa prymireńni varahujučych bakoŭ. Pry ruchu ŭ pravincyi Dejr-ez-Zor aŭtamabilnaja kałona była abstralanaja ź minamiotaŭ terarystami IDIŁ», — havorycca ŭ paviedamleńni ministerstva abarony, jakoje cytuje Interfaks.
Adzin vajskoviec zahinuŭ adrazu paśla abstrełu, jašče adzin pamior u špitali paśla atrymanych ranieńniaŭ.
Da hetaha času aficyjnaja kolkaść zahinułych za dva hady rasijskaj apieracyi ŭ Siryi składała 34 čałavieki.
Kamientary