8 z 51

Ciaham 3 i 4 vieraśnia Centaravybarkam razhladaŭ skarhi kandydataŭ u deputaty, jakim było admoŭlena ŭ rehistracyi. Ahułam było padadziena 51 skarha, ź ich zadavolenymi zastalisia vosiem.

Sa śpisu ADS pašancavała tolki Michaiłu Silivoncu z PKB (Žytkavickaja akruha № 39) i pradprymalnicy Irynie Jaskievič (Viciebskaja?Čkałaŭskaja № 18). Dabilisia rehistracyi i dva vyłučency ad «Eŭrapiejskaj kaalicyi» — redaktar «Borisovskich novostiej» Anatol Bukas (Barysaŭskaja haradzkaja № 62) i staršynia arhkamitetu Partyi svabody i prahresu Ŭładzimier Navasiad (Mienskaja?Śvisłackaja №94).

Cikavy vypadak adbyŭsia ź niezaležnym kandydatam palitolaham Alesiem Łahvincom, jaki mieŭsia balatavacca ŭ Sucharavie. Akruhovaja kamisija paličyła, što jon niapravilna ŭkazaŭ svoj hadavy dachod, prapuściŭšy prybytak u pamiery 215 eŭra. Łahviniec patłumačyŭ, što heta atrymałasia z?za techničnaj pamyłki, adnak hetaja suma ŭvajšła ŭ zadeklaravany im hadavy dachod.

Sakratar CVK Mikałaj Łazavik zajaviŭ, što ŭ spadara Łahvinca «byŭ čysta palityčny namier — padstavić akruhovuju kamisiju». A Lidzija Jarmošyna dadała: «Nikoli nie patrebna vychoŭvać CVK. Heta doraha abychodzicca».

Darečy, na apošniaj pres?kanferencyi spn. Jarmošyna pryvodziła prykład taho, što akruhovyja kamisii zanadta stroha abychodziacca z kandydatami, stolinskaha kamunista Alaksandra Apanasiuka. Maŭlaŭ, čałaviek nie paznačyŭ u deklaracyi matacykł, jakoha daŭno niama, a jaho nie zarehistravali. Adnak u sieradu skarha Apanasiuku tak i nie była zadavolenaja.

Paŭtorna admoŭlena ŭ rehistracyi siabram Partyi BNF Siarhieju Sałašu (Barysaŭskaja viaskovaja № 63), Vincuku Viačorku (Mienskaja Ŭschodniaja (№ 107), Jurju Karetnikavu (Mienskaja Paŭdniova?Zachodniaja № 99). Admovili byłomu palitviaźniu Ivanu Kruku (Iviejskaja № 53).

Adrazu dvum pradstaŭnikam apazycyjnych partyj było admoŭlena pa Smarhonskaj akruzie № 59 — Mikałaju Ŭłasieviča z AHP i Iryny Vieštard z BSDP. Takim čynam, pa Smarhonskaj akruzie biezalternatyŭnym kandydatam zastajecca deputatka pałaty Taciana Hołubieva. Ščučynskaja i Mastoŭskaja akruhi taksama zastajucca biezalternatyŭnymi — admovili Paŭłu Stanieŭskamu z PKB i Źmitru Kuchleju z BCHD adpaviedna.

Admoŭlena dvum lideram «Eŭrapiejskaj kaalicyi» — staršyni arhkamitetu BSDP «Narodnaja hramada» Mikołu Statkieviču i pradprymalniku Alaksandru Makajevu. Statkieviča nie zarehistravali z pryčyny sudzimaści, jakaja jašče nie źniataja, a Makajeva — nibyta praz pamyłki ŭ deklaracyi.

Taksama źviartaje na siabie ŭvahu admova ŭ rehistracyi byłoha kiraŭnika Sajuzu palakaŭ Biełarusi Tadevuša Kručkoŭskaha.

Z adnaho boku, pracent zarehistravanych apazycyjnych kandydataŭ vyšejšy, čym na minułych vybarach. U toj ža čas i adsieŭ značny, pryčym advolny. Ciažka sabie ŭjavić demakratyčnuju krainu, u jakoj nie rehistravali b kandydataŭ, vyłučanych hałoŭnaj apazycyjnaj siłaj.

• 0
• 0
• 0
• 0
• 0
• 0
• 0
• 0