Fota Iryny Arachoŭskaj
Ceny na sielhaspradukcyju ŭ Biełarusi raści nie buduć, paviedamiŭ siońnia žurnalistam namieśnik premjer-ministra Michaił Rusy paśla pryjomu hramadzian u Saŭminie.
Adkazvajučy na pytańnie, ci nie budzie vosieńniu ŭsplosku cen na sielhaspradukcyju, vice-premjer padkreśliŭ, što pavieličeńnia cenaŭ nie adbudziecca. «U nas pa cenach indeks staić na ŭzroŭni 98-99%, tolki chlebabułačnyja vyraby padskočyli (105%), i to ŭ ramkach inflacyi. Ceny na ptušku stajać na miescy, na śvininu, jałavičynu - na miescy. Rostu cen być nie pavinna i nie budzie», — kanstatavaŭ jon.
U pačatku žniŭnia Alaksandr Łukašenka zapatrabavaŭ nie dapuścić siezonnych vahańniaŭ cen na płodaaharodninnuju pradukcyju ŭ Minsku. «Pa zapasach na zimu dla dvuchmiljonnaha Minska i haściej, jakija pryjeduć, damovy pavinny być zaklučany. Vy zakupicie stolki, kolki treba, kab u nas nie było siezonnaha vahańnia cenaŭ», - skazaŭ Alaksandr Łukašenka.