Vyniki prezientacyi Apple: hadzińniki Apple Watch vyjšli na pieršaje miesca, apiaredziŭšy Rolex, a iPhone ciapier raspaznaje tvar
12 vieraśnia adbyłasia adna z samych čakanych prezientacyj 2017 hoda. Choć jana nie była rekordnaj dla Apple pa kolkaści prezientavanych devajsaŭ, novyja Apple Watch Series 3, Apple TV 4K i šalona darahi iPhone X stanuć šmat dla kaho abjektam maraŭ jak minimum da nastupnaj prezientacyi.
Mierapryjemstva prachodziła ŭ novapabudavanym Teatry Styva Džobsa, što raźmieščany na terytoryi inavacyjnaha kampusa Apple Park u Kalifornii. Apoviedu pra jaho byli pryśviečanyja pieršyja chviliny mierapryjemstva. Uražvaje toje, što ŭvieś hihancki kompleks na 100% siłkujecca soniečnymi batarejami na dachu.
Apple Watch Series 3
Hałoŭnaje novaŭviadzieńnie ŭ Apple Watch Series 3 — heta ŭbudavany LTE-modul, ź jakim hadzińnik stanovicca niezaležnym ad telefona.
Dla hetaha vykarystoŭvajecca śpiecyjalnaja sim-karta, jakaja ŭžo jość unutry razumnaha devajsa. Heta značyć, što kuplać hadzińnik pryjdziecca pryviazanym da peŭnaha mabilnaha apieratara ź liku tych, z kim Apple padpiša damovu ab supracoŭnictvie.
Unutry Apple Watch Series 3 ustalavany 2-jadzierny pracesar, biespravadny čypset W2 i vyšyniamier. Darečy, u jakaści anteny vystupaje ekran i bakavyja hrani hadzińnika.
Cikavaj navinoj stała toje, što razumny hadzińnik ad Apple staŭ samym papularnym u śviecie, abahnaŭšy navat takija brendy zvyčajnych hadzińnikaŭ, jak Rolex, Fossil i Omega.
Apple TV 4K
U novaj televizijnaj prystaŭcy ad Apple realizavanyja dźvie technałohii, bieź jakich niemahčyma ŭjavić samy sučasny televizar: padtrymka ŭltravysokaha razroźnieńnia 4K i kalarovaha dyjapazonu HDR. Adpaviedna, malunak stanie jašče bolš rezkim, hłybokim i realistyčnym. Aparatnaja ž častka prystaŭki — pracesar A10X, toj ža, što i ŭ iPad Pro.
Filmy ŭ 4K HDR buduć dastupnyja ŭ iTunes pa toj ža canie, što i HD, pryčym da raniej nabytych HD-filmaŭ možna atrymać viersii ŭ 4K HDR biaspłatna.
iPhone 8 dy iPhone 8 Plus
Dyzajn u dakładnaści paŭtaraje dyzajn papiaredniaha pakaleńnia, ale zadniaja panel ciapier šklanaja (pryvitańnie iPhone 4). Apple zajaŭlaje, što vykarystoŭvajecca samaje tryvałaje ŭ śviecie škło, ale jakoje jano nasamreč — stanie viadoma paśla pieršych prodažaŭ, jakija startujuć 22 vieraśnia.
Dyjahanali ekranaŭ zastalisia takimi ž, jak u papiarednich madelaŭ: 4,7 cali u iPhone 8 i 5,5 cali u iPhone 8 Plus. Hałoŭnaja ž inavacyja — heta 6-jadzierny pracesar A11 Bionic. Akramia 4,3 miljarda tranzistaraŭ (udumajciesia ŭ hetuju ličbu!), u jaho skład uvachodzić upieršyniu raspracavany ŭłasna Apple hrafičny čyp (raniej vykarystoŭvalisia čypy starońnich raspracoŭščykaŭ), jaki padtrymlivaje mietady mašynnaha navučańnia.
iPhone 8 maje 12-miehapiksielnuju kamieru z aptyčnaj stabilizacyjaj, a iPhone 8 Plus — dźvie 12-miehapiksielnyjai kamiery.
Dziakujučy A11 Bionic kamiery abiedźviuch madelaŭ mohuć chutka i dakładna fakusavacca navat va ŭmovach niedastatkovaha aśviatleńnia. Pry zdymcy partretaŭ ciapier možna źmianiać aśviatleńnie ŭ realnym časie na asnovie karty hłybini, imitujučy roznanakiravanyja krynicy śviatła.
Hetyja pryłady bolš łahična było b nazvać iPhone 7s iPhone 7s Plus, bo jany, pa sutnaści, ujaŭlajuć saboj madernizavanyja viersii ajfonaŭ siomaha pakaleńnia. Pra ich na prezientacyi raskazvali vielmi chutka, nie robiačy vialikich pierapynkaŭ dla apładysmientaŭ. Tamu vielmi adčuvałasia, što dalej hledačoŭ čakaje niešta sapraŭdy vialikaje i hrandyjoznaje. I heta adbyłosia.
iPhone X («dziesiać»)
Vonkavy vyhlad hetaha smartfona byŭ viadomy na praciahu ŭžo niekalkich miesiacaŭ. Zahadkaj stała toje, što jamu prysvoili dziasiaty numar, pieraskočyŭšy praz 9. Napeŭna, heta adbyłosia praź dziasiatyja ŭhodki, jakija sioleta śviatkuje iPhone.
«Jak i samy pieršy ajfon, «dziasiatka» zaklikana vyznačyć kurs raźvićcia smartfonaŭ na nastupnaje dziesiacihodździe», — adznačyŭ pradstaŭnik kampanii.
Heta pieršy iPhone z OLED-ekranam. Z razroźnieńniem 2436×1125 punktaŭ i ščylnaściu piksielaŭ 458 ppi, jon absalutna nie maje ramak.
Viadoma ž, daviałosia admovicca ad histaryčnaj knopki «Home» i prydumać novy sposab kiravańnia telefonam.
Kab pačać karystacca iPhone X, dosyć dakranucca da dyspłeja. Svajp źnizu ŭvierch dazvolić viarnucca na chatni ekran. Toj ža žest, ale z zatrymkaj palca adkryvaje dyśpietčar zapuščanych dadatkaŭ. Moža padacca składanym, ale, napeŭna, heta sprava zvyčki.
Na źmienu funkcyi raspaznańnia adbitkaŭ palcaŭ Touch ID pryjšła sistema raspaznańnia tvaru Face ID.
Dastatkova pahladzieć na iPhone X, i jon tut ža razbłakujecca. Za takim prostym dziejańniem staić davoli składanaja technałohija TrueDepth Camera System. Dla paśpiachovaj imhniennaj pracy hetaj funkcyi ŭnutry pracesara A11 isnuje jašče adzin dvuchiadzierny pracesar. Sistema zdolnaja aŭtamatyčna sačyć za pastupovym źmianieńniem vašaha tvaru (kali vy vyrašyli, naprykład, adpuścić baradu), abo paznać vas navat pry raptoŭnaj źmienie pryčoski.
Apple śćviardžaje, što iPhone X niemahčyma padmanuć ni fatahrafijaj, ni navat abjomnaj maskaj, a imaviernaść uzłomu Face ID roŭnaja 1:1 000 000, u toj čas jak Touch ID — 1:50 000.
AirPower: biazdrotavaja zaradka
Spaźniŭšysia na niekalki hod, Apple narešcie prezientavała biazdrotavuju zaradnuju pryładu z pryjemnym bonusam: zaradžać možna adnačasova niekalki pryładaŭ.
Košt iPhone 8 u ZŠA pačynajecca ad 699 dalaraŭ, a ceny na iPhone X startujuć z $999! A voś pradstaŭleny ŭ sakaviku 2016 hoda iPhone SE ciapier staŭ adnym z samych dastupnych smartfonaŭ na rynku jakasnych devajsaŭ: u ZŠA jaho možna nabyć za 349 dalaraŭ.
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary