Dvuch biełarusaŭ padazrajuć u tym, što jany mieli namier zdabyć unikalnuju technałohiju vytvorčaści farbaŭ dla darožnaha pakryćcia, jakaja naležyć pryvatnamu pradpryjemstvu, paviedamlaje telekanał ANT. Zatrymali padazravanych na miescy złačynstva — u momant pieradačy hrošaj i infarmacyi. Za jaje žychar Minska byŭ hatovy zapłacić piać tysiač dalaraŭ.
Usiaho, pa viersii śledstva, u złačynnaj schiemie ŭdzielničali try čałavieki — adzin ź ich supracoŭnik kampanii-vytvorcy.
Alaksandr Łaŭrukovič, načalnik 6-ha ŭpraŭleńnia pa Bresckaj vobłaści HUBAZiK MUS Biełarusi: «Jon viedaŭ, da kaho źviarnucca, i chto vałodaje hetaj infarmacyjaj, i jak jaje zajmieć, byŭ znajomy ź ludźmi, jakija pracavali na hetym pradpryjemstvie. I ŭ vyniku źviarnuŭsia da načalnika cecha pa vytvorčaści farbaŭ. U vyniku prapanavaŭ raspaŭsiudzić infarmacyju, jakaja była kamiercyjnaj tajamnicaj».
Ekśpierty praviarajuć viersiju ab kankurentnaj baraćbie. Pa słovach apieratyŭnikaŭ, zatrymany moh być tolki pasiarednikam, pry hetym «zamovili» technałahičnuju kartu kampanii z Rasii.
Farba, jakuju vyrablajuć biełarusy, siońnia lidar na rynku darožnych rabot pa jakaści i canie. Tamu i idzie takoje palavańnie na recept. Usie troje ŭdzielnikaŭ schiemy abvinavačvajucca pa artykule «kamiercyjny špijanaž», jany zatrymanyja. Miera pakarańnia praduhledžvaje da dvuch hadoŭ pazbaŭleńnia voli.
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary