Źnikły ŭ Biełarusi ŭkrainiec Pavieł Hryb, jakoha trymajuć u SIZA FSB u Krasnadary, aryštavany da 17 kastryčnika, zajavili ŭ Kastryčnickim rajonnym sudzie horada. Pra heta paviedamlaje TASS.
Paviedamlajecca, što sud vynies rašeńnie ab aryšcie jašče 17 žniŭnia. «Miera strymańnia — aryšt na dva miesiacy [da 17 kastryčnika]», - paviedamili ŭ sudzie.
Raniej paviedamlałasia, što 11 vieraśnia z zatrymanym ukrainskim hramadzianinam sustreŭsia jahony advakat Andrej Sabinin. Jon paviedamiŭ, što, pa słovach Hryba, jaho vykrali ŭ kancy žniŭnia ŭ Homieli i pavieźli ŭ Smalenskuju vobłaść. Užo na rasijskaj terytoryi byŭ aformleny pratakoł zatrymańnia. Pa słovach advakata, Hrybu ŭžo pryznačalisia abaroncy. Zaraz Sabinin daśleduje materyjały spravy. Paćvierdzić infarmacyju ŭkrainca pra jaho vykradańnie jon pakul nie moža. Juryst dadaŭ, što materyjały spravy zasakrečanyja, a sam jon daŭ padpisku pra nierazhałošvańnie.
Hramadzianin Ukrainy 19-hadovy Pavieł Hryb źnik u Biełarusi ŭ kancy žniŭnia. Ab źniknieńni zajaviŭ jaho baćka, člen hramadskaj rady dziaržaŭnaj pamiežnaj słužby Ukrainy Ihar Hryb. Pavodle jaho słoŭ, junak adpraviŭsia ŭ Homiel na sustreču ź dziaŭčynaj z Rasii, ź jakoj raniej pierapisvaŭsia, paśla čaho jon nie viarnuŭsia. Ihar Hryb asabista adpraviŭsia ŭ Homiel i vyśvietliŭ, što jaho syn utrymlivajecca ŭ SIZA FSB u Krasnadary, a ŭ Rasii abjaŭleny ŭ vyšuk.
Pra toje, što Pavał Hryb sapraŭdy źniavoleny, dakładna stała viadoma 8 vieraśnia ad advakata Andreja Sabinina. Pavodle jaho słoŭ, Hrybu było pradjaŭlenaje abvinavačvańnie pa art. 205 KK RF (terarystyčny akt).
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary